Bács megyei püspöki körlevelek, 1938
Nr. 1. Vota Ordinarii ineunte anno 1938. Nr. 530. Apparitio coram Ordinario tertio quovis anno facienda. Litterae Circulares ad clerum dioecesis Bačiensis a. 1938. dimissae. Litterae Circulares in his et sequentibus pagellis nomine dioecesis Bačiensis utuntur; verbo hoc regio Administratori Apostolico credita intelligatur oportet. I. Anno ineunte memorem fecit Ordinarius clerum Suboticaensem, qui vota sua declaraturus coram eo apparuit, ut tempore sequenti fideles suos ad proxima exercitia spiritualia praepararent; hinc in concionibus, praesertim quadragesimalibus, de peccato ejusque gravitate praedicarent; singulorum parochorum foret missiones populares procurare; in consuetudine cum populo salutationem catholicam, quae „Laudetur Jesus Christus" nuncupatur, urgerent; eoque protestationem fidei, quam viri regionis Bačiensis anno 1939. in Sombor manifestaturi erga Salvatorem mundi Jesum Christum essent, instruerent; juventutem scholarum etiam elementarium, odio ecclesiae infesto contraagendi causa, confessioni et communioni per menses assuefacerent, non per turmas adducendo, sed facultatem concedendo diem et modum devotionis sibi libere eligendi. Exoptandum esse censuit, ut votorum, quae sacerdotio gremiali expresserit, totus clerus dioecesanus compos fieret et Deus Maximus et Optimus omnibus ad ea effectui danda gratiam suam efficacem donare dignaretur. Suboticae, die 1. januarii a. 1938. Attentio cleri dioecesani reflectitur ad praescriptum procanonis 22. juxta quem sacerdotes ad dioecesim pertinentes quovis tertio anno ordinationis suae in presbyterum Ordinario se sistere et relationem de campo muneris sui personaliter proponere debent. Hoc anno exspectantur sacerdotes, qui annis sequentibus ordinati sunt: 1884, 87, 90, 93, 96, 99. 1902, 05, 08, 11, 14, 17, 20, 23, 26, 29, 32, 35. Ordo procedendi praescribitur in Pc. 22; omnes partes visitationis, uti sunt: oblatio sacri in ecclesia s. Teresiae, personalis salutatio Ordinarii et relatio in scriptis tradenda stricte observentur. Suboticae, die 18. januarii a. 1938. Pro I. semestri: a) A parochis et rectoribus ecclesiarum juxta Pc. 221. praeparetur relatio de Historia domus seu brevis enarratio rerum, quae in regione parochiae anno 1937. gestae sunt, majoris momenti; relatio ad Coronam parata adfera- tur et Vicario foraneo submittendi causa tradatur. Relationes huc usque submissae jam revisae retinentur usque dum foret, ut acta rerum antiquarum, quae novis relationibus praemitti debent congerantur. Ejus ex fine jam conficiuntur excerpta ex Libro „Berauer: De scholis catholicis" et ex „Historia Comitatus Bačiensis" ad singulas communitates attinentia; simul ex Schematismis dioecesanis colligentur additamenta concernentia. Si quis parochorum alia data et acta habuerit, quae desiderat, ut pagellis Historiae parochiae propriae inserantur, machina autem dactilographica indiget, textus excer- piendus ad Curiam mittatur et copiae ejusdem in Curia procurabuntur. Ut vero labori cunctanti finis adponi possit, rogantur Adm. Rev. DD. Vicarii foranei, ut in Corona de hoc negotio complendo agatur. b) Pro cooperatoribus et ceteris sacerdotibus, qui ad themata exaranda obligantur, thesis praescribitur adornandus: De influxu religionis ad statum socialem efformandum et conservandum. Praesertim: 1. In quibus nam principiis principalibus religionis fundatur ordo socialis, qui nunc exis- tens christianus nuncupatur. 2. Quibus principiis socialibus initi com- templatur ordo, qui operarii perfectior vulgo communismus promittitur. Pro II. semestri exarentur theses: a) A parochis proponatur et a Vicariis foraneis confirmetur ordo anno currenti praedicandi juxta Pc. 352. b) A ceteris sacerdotibus vero adornetur paraphrasis psalmi 94, „Venite exsultemus Do mino“ originem, finem et argumentum ejusdem describendo. Omnes sacerdotes juxta Pc. 19,c) obligantur, ut theses supralaudatas ad Coronam in scripto paratas adferre et, Vicario provocante, in Corona perlectas ad Curiam submittendi causa tradere satagant. Suboticae, die 5. januarii a. 1938. Nr. 535. Themata theologica pro a. 1938.
