Bács megyei püspöki körlevelek, 1938
— 18 — Nr. 3950. Facultas iterandi missam in festis suppressis. Nr. 3955. Applicatio secundae missae in favorem Seminarii, Num. 2374/38. Sacra Congregatio de Sacramentis. Beatissime Pater, Ordinarius Bačiensis adpedes S. V. provolutus, implorat facultatem permittendi Sacri iterationem diebus festis nuper suppressis, ob penuriam sacerdotum. Sacra Congregatio de disciplina Sacramentorum, vigore facultatum a Ssmo D. N. Pio Papa XI sibi tributarum, attentis expositis, dummodo revera festa, de quibus in precibus, fidelium concursu ac devotione celebrentur, et quatenus nullus alius sacerdos liber praesto sit pro celebratione alterius Missae, Ordinario Ba- čiensi veniam benigne tribuit permittendi iterationem sacri dictis festis ad explendam ipsorum fidelium devotionem iuxta petita, ad triennium si tamdiu expositae circumstantiae perduraverint, vetita celebranti eleemosynae perceptione pro una e duabus Missis. Datum Romae, ex aedibus eiusdem Sacrae Congregationis, die 30 április 1938. F. Bracci, J. Mazotta, secr. • off. N. 2277/38 Sacra Congregatio Concilii Beatissime Pater, Ordinarius Bačiensis attentis peculiaribus suae dioecesis adiunctis, a Sanctitate Vestra humiliter postulat facultatem permittendi sacerdotibus Missam die festo iterantibus ut applicare valeant secundam Missam iuxta mentem ipsius Ordinarii, ad effectum erogandi eleemosynam favore Seminarii Suboticae, die 30. junii a. 1938. Sacra Congregatio Concilii, attentis expositis, petitam facultatem Ordinario Bačiensi oratori benigne impertita est ad quinquennium. Datum Romae, die 9 maii 1938. J. Card. Serafini, J. Bruno, praefectus. Secretarius. Prot. N. 2031/38. Sacra Congregatio Concilii. Beatissime Pater, Ordinarius Bačiensis ad pedes S. V humiliter provolutus, petit facultatem pro fidelibus in sua dioecesi degentibus, ut praeceptum Communionis paschalis adimplere possint: 1. a Dominica prima Quadragesimae; 2. tempore Adventus usque ad finem decembris eiusdem anni; 3. occasione Missionum, exercitiorum spiritualium at aliarum devotionum publicarum toto anni tempore. Ratio huius petitionis in eo est, quod in regione Administraturae Apostolicae Bačiensis maxima ex parte agricolae habitant, qui huic obligationi tempore hiemali melius satagere possunt. Indultum supralaudatum non pro singulis casibus ab Ordinario figendis per modum actus, sed pro stabili lege, in dioecesi promulganda, petitur. Et Deus etc . . . Sacra Congregatio Concilii, attentis expositis, Ordinario Bačiensi benigne tribuit facultates in omnibus iuxta preces, per quinquennium. Datum Romae, die 25 április 1938. J. Card Serafini, J. Bruno, prefectus. Secretarius. Ludovicus Budanović Episcopus, Apostolicus Bačiensis Administrator. Nr. 3960. Communio paschalis.
