Bács megyei püspöki körlevelek, 1937
— 10 — Pium exercitium offerendi Deo, stato die singulis mensibus, sanctam Missam et Communionem necnon omnes eiusdem diei orationes et quaecumque bona opera fiant pro Ecclesiae sacerdotibus et levitis, ut D. N. Iesus Christus, summus et aeternus sacerdos, eos sanctificet faciatque sacerdotes secundum cor suum, postquam a Sancta Sede specialibus privilegiis auctum est, ita celeriter per orbem catholicum sese extendit, ut quamplurimi Sacrorum Antistites omnium fere nationum illud libentissime exceperint, tamquam menti Ecclesiae et pietati fidelium admodum consentaneum commendaverint, eorumque non pauci in propriae dioecesis ecclesiis publice peragi voluerint Tam felici permotus successu, infrascri- ptus Cardinalis Paenitentiarius Maior, vigore peculiarium facultatum a Ssmo D. N. Pio div. Providentia Pp. XI. sibi tributarum, die 15 mensis decembris 1936, ad uberiores fructus spirituales ex praedicto pio exercitio assequendos, in favorem christifidelium eidem sive publice sive pri- vatim operam dantium in aliqua ecclesia aut in publico vel (pro legitime utentibus) semipublico oratorio, Indulgentias quae sequuntur benigne concessit: 1. plenariam, prima feria quinta vel primo sabbato cuiuslibet mensis, feria quinta in Coena Domini, die festo beatae Virginis Mariae Reginae Apostolorum et diebus natalibus SS. Apostolorum, si praeterea peccata sua sa- cramentali paenitentia rite expiaverint et ad mentem Summi Pontificis preces fuderint: 2. partialem septem annorum, aliis anni diebus quibus idem pium exercitium saltem contriti ac devote peregerint; atque insuper, 3. partialem trecentorum dierum, pro iis qui invocationem: „lesu, Saluator mundi, sanctifica sacerdotes et levitas tuos“ saltem corde contrito ac pia mente recitaverint. Praesenti in perpetuum valituro, absque ulla Apostolicarum Litterarum in forma brevi expeditione, et contrariis quibuslibet minime obstantibus. Quam quidem concessionem Sibi relatam eadem Sanctitas Sua, in audientia infrascripto Cardinali Paenitentiario Maiori die 10 vertentis mensis concessa, benigne approbare et confirmare dignata est ac, quo solet modo, publicandam mandavit. Datum Romae, ex Sacra Paenitentiaria die 12. április 1937. L. Card. Lauri, Paenitentiarius Maior. S. Lu- zio, Regens. Currenti anno in sequentibus parochiis administravi sacramentum s. Confirmationis: Die 6. maji in Horgos et Kraljevbreg, 8. maji in Martonoš, 9. maji in St. Kanjiža 1. et St. Ka- njiža 11., 10. maji in Nadrljan et Uzunovićevo, 11. maji in St. Kanjiža ad S. Joseph, 16. maji in Subotica ad S. Teresiam, 17. maji in Subo- tica-Bikovo, 23. maji in Senta ad S. Stephanum et Senta ad SS. Cor Jesu, 24. maji in Senta ad S. Teresiam et Gornji Breg, 25. maji in Tornjoš et Kevi, 26. maji in Mol-Gunaraš, 29. maji in Srbobran et Bačko Gradište, 30. maji in Stari Bečej I. et St. Bečej II., 31. maji in B. Petro- voselo et Mol, 1. junii in Ada. Suboticae, die 5. junii a. 1937. Ludovicus Budanović Episcopus, Apostolicus Bačiensis Administrator. Nr. 4400. Administratio Sacr Confirmationis. Dies sacerdotalis indulgentiis ditatur. Nr. 4575.
