Bács megyei püspöki körlevelek, 1934
- 6 — Redemptor obcaecatos eorum animos — infitiatorum dicimus osorumque Dei — caelestis luminis fulgore percellat, eosdemque suorum scelerum rubore paenitentiaque commotos, ad paternum amplexum misericorditer reducat. — Quam ad rem in animo Nobis est, antequam saeculares hae celebrationes concludantur, publicam in Vaticana Basilica supplicationem participare, eo nempe die, qui opportuno tempore praestituetur. Itaque, auctoritate omnipotentis Dei, beatorum Apostolorum Petri et Pauli ac Nostra, maximum divinae Redemptionis lubilaeum, quod Romae celebratum est, ad universum catholicum orbem per Apostolicas has Litteras extendimus, ad Occidentalem nimirum et ad Orientalem Ecclesiam, atque in integrum annum prorogamus; ita scilicet ut a die octava Paschalis huius anni, ad plenam usque diem item octavam Paschatis proximi anni MDCCCCXXXV lucrifieri possit. Quamobrem omnibus utriusque sexus chri- stifidelibus etiamsi per elapsum annum sacrum Iubilaei veniam adepti iam sint, apostolica auctoritate Nostra plenissimam totius paenae, quam pro peccatis luere debent, indulgentiam — ubique terrarum extra Urbem eiusque suburbium lucrandam — concedimus atque impertimus, obtenta prius ab iisdem admissorum cuiusque suorum remissione ac venia, dummodo, rite per Paenitentiae Sacramentum expiati et sacra Synaxi refecti, ecclesias vel publica oratoria, ad hoc designanda, statuto tempore pie inviserint. Ut vero quae in sacris hisce visitationibus effundentur preces ad divinae Redemptionis ac praesertim ad Dominicae Passionis memoriam fidelium animos studiosius referant atque excitent, haec, quae sequuntur, statuimus atque iubemus: praeter eas supplicationes, quae ultro pro singulorum pietate ad Deum admovebuntur, a) quinquies ante Augusti Sacramenti aram preces „Pater, Ave et Gloria" recitari debent ac semel insuper ad mentem Nostram; b) omnes dein ante lesu Christi cruci affixi imaginem ter formulam „Credo" pronuntient, ac semel precatiunculam „Adoramus te, Christe, et benedicimus tibi, etc." vel aliam id genus; c) mox Deiparae Virgini se sistant atque septies inibi, dolores eius recolendo, salutationem Angelicam „Ave Maria" recitent, preculam semel adiicendo: „Sancta Mater, istud agas, etc." vel aliam eiusmodi; Suboticae, die 31. maii a. 1934. d) denique ad Augusti Sacramenti altare conveniant atque catholicam fidem usitata formula, „Credo" devote profiteantur. Decernimus praeterea ut, quemadmodum Romae per elapsum piacularem annum actum est, christifideles iubilarem hanc indulgentiam cum sibi, tum vita functis, toties lucrari possint, quoties imperata opera rite perficiant; ita tamen ut nulla pro altero iubilaeo acquirendo opera fieri queant, antequam inchoata pro primo opera omnino absoluta fuerint. Datum Romae apud Sanctum Petrum, die secundo mensis Aprilis, anno millesimo nongentesimo tricesimo quarto, Pontificatus Nostri decimo tertio. Fr. Th. Pius 0. P. Card. Boggiani Cancellarius S. R. E. Laurentius Card. Lauri Paenitentiarius Maior. Ioseph Wilpert, Decanus Collegii Proton, Apóst. Vincentius Bianchi-Cagliesi, Protonotarius Apóst. Loco 1' plumbi. Facultate ab Apostolica Sede concessa sequentia statuo: 1. In Subotica tres sacrae visitationes habendae sunt in quattuor ecclesiis, nempe ad S. Teresiam, ad st. Rochum, ad st. Georgium et ad st. Michaelem; idque sive eodem die. sive subsequentibus diebus; ita quidem ut christifideles, vixdum e sacra aede post actam visitationem egressi, iterum atque illico in eam ingredi queant ad alteram ac tertiam perficiendam visitationem. 2. In urbibus ubi tres vel duae sunt ecclesiae, in quibus Sanctissimum asservatur, habendae sunt visitationes in unaquaque ecclesia respective sex. 3. In aliis locis, ubi una tantum est ecclesia, 12 visitationes faciendae sunt. 4. Christifidelibus omnibus, qui duce parocho vel sacerdote ab eo delegato visitationes peracturi sunt, numerum visitationum reduco ad 4. Ubi una tantum est ecclesia, visitationes sequenti modo fieri possunt: Fideles conveniunt in ecclesia et duce sacerdote peragunt praescriptas preces. Peractis precibus exeunt et fit processio circa ecclesiam. Intrantes in templum secunda vice recitant easdem preces. Et processio iteratur adhuc secunda et tertia vice. Ludovicus Budanović Episcopus, Apostolicus Bačiensis Administrator. Nr. 2000. Dispositiones Ordinarii quoad visitationes ecclesiarum.
