Bács megyei püspöki körlevelek, 1934
— 12 Dies Indulgentiarum pro Quibusdam ecclesiis concessae. Nr. 4018. Nr. 4035 Collatio ss. ordinum. SACRA POENITENTIAR1A APOSTOLICA OFFICIUM DE INDULGENTIIS 7710—7721/34. Beatissime Pater, Rectores ecclesiarum paroecialium intra fines administrationis apostolicae Bačiensis ad pedes Sanctitatis Vestrae provoluti, humiliter petunt plenariam Indulgentiam, a christifidelibus confessis et sacra Synaxi refectis lucrandam pro loco Bačka Palanka die festo Septem Dolorum B. M. V., feria sexta hebdomadae Passionis, pro loco Krnjaja feria secunda Resurrectionis, pro loco Lok Dominica Passionis, pro loco Mol-Gunaraš feria secunda Hebdomadae Majoris et die 8. septembris. pro loco Mošorin die 19. martii, pro loco Novi Sad III. ad S. Elisabetham Dominica IV. Quadragesimae, pro loco Senta III. ad S. Teresiam ab Inf. Jesu die 25. Martii, pro loco Senta IV. ad S. Antonium die 13. Junii, pro loco Sombor die festo Septem Dolorum B. M. V. feria sexta hebdomadae Passionis, pro loco S tara Kanjiža ad S. Joseph Dominica IV. Quadragesimae et Dominica III. Adventus, pro loco Nova Gajdobra Dominica Palmarum, si praefatas ecclesias visitaverint et ad mentem Summi Pontificis preces fuderint Et Deus, etc. * Die 21. Septembris 1934. Sacra Poenitentiaria Apostolica benigne annuit pro gratia iuxta preces ad septennium. Contrariis quibuscunque non obstantibus. S. Luzio, S. P. Reg. Die 28. odobriš a. 1934. contuli s. ordinem presbyteratus Joanni Kujundžić, ordinem diaconatus Emerico Lerch et Joseph Olt. Suboticae, die 3. novembris a. 1934. Indeficiens semperque maius Missionum incrementum inter infideles Summo Pontifici Pio XI. maxime cordi est, qui vehementer exoptat, ut per universum terrarum orbem Christi regnum provehatur, ac praesertim apud dissitas et inaccessas regiones illas, ad quas evangelica lux nondum pervenit. Idcirco Ipse, de animarum salute valde sollicitus, usque ab anno 1926., per decretum S Rituum Congregationis, die 14 Aprilis editum, omnibus et singulis christifidelibus peculiarem diem, qui quidem Dies pro Missionibus appellaretur, indicare voluit in paene ultima Dominica mensis Octobris quotannis et perpetuo celebrandum. Huismodi festum eo spectavit, ut laudabile inceptum illud increbresceret, quod Propagandam Missionariam vocant, scilicet quo melius ac facilius, per opportunas instructiones, dignosceretur Opus Propagationis Fidei, simulque cum materialis ac necessarius obulus colligeretur tum pretiosior orationis fructus percipi posset. Idem Summus Pontifex singulis fidelibus, eo die ad sacram Mensam accedentibus et pro conversione infidelium exorantibus, plenariam indulgentiam concedere dignabatur. Quum autem non omnibus facile sit, eodem die indicato, Pane Eucharistico recreari, idem Ssmus D. N. Pius divina Providentia Pp. XI, volens aliquo modo cunctis favere, in audientia Emin-mo Cardinali Paenitentiario Maiori die 20 Iulii vertentis anni concessa, benigne indulsit, ut ii omnes, qui saltem corde contrito ac devote interfuerint alicui e sacris functionibus, eo die celebrari consuetis, et pro infidelium conversione oraverint, partialem septem annorum indulgentiam lucrari valeant. Praesenti in perpetuum valituro absque ulla Apostolicarum Litterarum in forma brevi expeditione et contrariis quibuslibet non obstantibus. Suboticae, die 8. novembris a. 1934. Ludovicus Budanović Episcopus, Apostolicus Bačiensis Administrator. Indulgentiis augetur „Dies pro Missionibus”. Nr. 4021.
