Bács megyei püspöki körlevelek, 1929
6 II Jubilaeum extraordinarium occasione quinquagesimi anni sacerdotii Summi Pontificis Pii XI. declaratur. Solemnitates juxta loci morem et posse adornentur. Populo fideli praevie edocto: 1. Die 17. februarii loco concionis sub /, appositae Litterae Circulares Episcopatus SHS praelegantur. In Missa Cantata, quae coram exposito Sanctissimo celebretur, commemoratio pro Romano Pontifice sumatur et ad finem Missae tribus vicibus „Pater“ et „Ave“ lingua vernacula recitentur. 2. Eodem die collectae pro stipe Petrina instaurandae, quo prius Officio Rationum submittantur, 3. Annuntietur et peregrinatio, quae die 12. maji proficiscetur, et septem diebus Romae elapsis revertetur. Pro itineris sumptibus a Zagreb Romam et retro et pro habitatione et sustentatione Romae 7 diebus pro II. cl. 2300 Den , pro III. cl. 1500 Den. solventur. Terminus notandi 31. martii statuitur. Suboticae, die 4. februarii a. 1929. Vi novae legis, quae valorem inde a 1. jan. 1929. quoad tributa a capitalibus obtinuit, census pro ratione sumitur etiam ad alia tributa imponenda; ex hinc census pro capitalibus elocatis percipiendus totus consumetur. Obligatoriales litterae vero, si pro tributo imponendo non sunt potestatibus relatae, via tribunalis non possunt exsequi, imo creditor poena propter reticentiam tributi affligetur. Quamobrem administratores bonorum ecclesiae debitores circumspecte provocent, ut o- bligatoriales litteras renovent, vel debita sua exsolvant. Capitalia renumerata Cassis Par- simonialibus inferantur, renovatae litterae vero potestati tributariae indicentur. Suboticae, die 6. februarii 1929. Ultimis annis vacante parochia in usum venit, ut redemptio lecticalium ante nominationem parochi coordinaretur. In contractu conficiendo difficultas obvenit ex eo, quod sine copia Canonicae Visitationis nec deputata et debita communitatis constitui, nec parocho mortuo vel translato necessaria excerpta comparari poterant. Ideo rogantur RR. DD. Curiones ut copias Canonicae Visitae de titulis proventuum parochi, in fidem copiae per se probatas, heic mittant. Suboticae, die 5. februarii 1929. Nexu mandati ddto 21. jan. 1929. Cire. I. p. 4. de relationibus rite mittendis emanati de' cretum Tribunalis Collegialis ad exsequendum promulgatur: 1. Cum in mora peccatum sit, ne illud ipsis Curatoribus animarum imputetur, iidem rogantur, ut exsecutioni mandati circa exaudiendos agentes et testes infra mensem accurent, vel de causa morae Tribunali Collegiali referant. Diebus 30 elapsis notarius acta urgere et ur- gentiis irritis Ordinario in scriptis rem deferre debebit 2. Ad litem introducendam ad normam Can. 1708. § 3. requiritur, ut libellus ab actore, i. e. a parte litem movente, subscribatur, cui extractus ex matriculis Copulatorum adnec- tatur oportet. 3. Dato supplici libello ad processum introducendum media pars expensarum judicialium secundum taxas in Litt. Cire. 1. a. 1927. p. 2. sub nro 3. publicatas ad Tribunal submittatur. In casu paupertatis ad normam Can. 1916. ad gratuitum patrocinium petendum applicentur pagellae de tributo a Communitate Catholica vel a publica potestate imposito. Suboticae, die 7. februarii 1929. Ludovicus Budanović Episcopus, Administrator Apostolicus. Nr. 444. Jubilaeum Suae Sanctitatis. Nr. 449. Obligatoriales litterae renovandae. Nr. 446. Submissio copiae Canonicae Visitae. Nr. 451. Tribunal Colle- giale de actione urgenda.
