Bács megyei püspöki körlevelek, 1928
17 — Postulat proinde facultatem absoloendi quoad praeteritum ac eadem onera reducendi quoad futurum. Sacra Congregatio Concilii, attentis expositis Ordinario Bačiensi oratori benigne indulget ut super enunciatis praeteritis omissionibus vere pauperes absolvere possit, imposita tamen singulis, iuxta uniuscuiusque vires et culpae gravitatem, obligatione alicuius numeri Missarum aut, si ad hoc impares sint, piarum precum et operum in suffragium eorum quibus debentur; pariter facultatem eidem oratori concedit ad quinquennium duraturam, ut ipsa Missarum onera in expositis adiunctis, et quoties nemo sit qui ad eleemosynae supplementum de iure teneatur et utiliter cogi queat, per quinquennium reducere valeat ad rationem eleemosynae in dioecesi legitime vigentis, sub lege ut de Missarum sic reductarum adimplemento Curiam quotannis docere singuli indultarii teneantur. Datum Romae, die 7. Maii 1928. D. Card. Sbarretti, praefectus f JULIUS ep. iit, Lampsacen. Secretari. Prot. N. 2172/28. Beatissime Pater, Ordinarius Bačiensis ad consulendum fidelium necessitatibus a Sanctitate Vestra humiliter postulat facultatem permittendi ut in sua dioecesi praeceptum Communionis paschalis adimpleri possit a Dominica prima Quadragesimae. Sacra Congregatio Concilii, attentis expositis, petitam facultatem Ordinario Bačiensi oratori benigne impertita est ad quinquennium. Datum Romae, ex Secretaria eiusdem sacrae Congregationis Concilii, die 7 Maii 1928. D. Card, Sbarretti. praefectus f JULIUS ep tit. Lampsacen. Secretorius Prot. N. 2173/1928. Beatissime Pater, Ordinarius Bačiensis attentis peculiaribus suae dioecesis adiunctis, a Sanctitate Vestra humiliter postulat facultatem dispensandi sacerdotes curam animarum exercentes ab obligatione litandi Missam pro populo diebus festis sive de praecepto sive suppressis ut illam applicare valeant ad mentem Ordinarii ad effectum erogandi eleemosynam favore Seminarii. Sacra Congregatio Concilii, attentis expositis, petitam facultatem Ordinario Bačiensi oratori benigne impertita est ad quinquennium exceptis duodecim Missis a singulis animarum rectoribus pro populo applicandis diebus praesertim festis de quibus in Can. 306. C. J. C. Datum Romae, ex aedibus eiusdem S. Congregationis die 7. Maii 1928. D. Card. Sbarretti, praefectus f JULIUS ep. tit. Lampsacen. Secretorius SACRA CONGREGATIO DE DISCIPLINA SACRAMENTORUM. Num. 2486./28. BEATISSIME PATER, Ordinarius Administrationis Apostolicae Ba- čien. ad pedes S. V. provolutus, humiliter postulat facultatem permittendi iterationem Sacri diebus festis nuper suppressis, sacerdotibus suae regionis, ob devotionem fidelium et penuriam cleri. Sacra Congregatio de disciplina Sacramentorum, vigore facultatum a SSmo D. N. Pio XI. sibi tributarum, attentis expositis, dummodo revera festa, de quibus in precibus, fidelium concursu ac devotione celebrentur, et quatenus nullus alius sacerdos liber praesto sit pro celebratione alterius Missae, Ordinario Admin. Apóst. Bačien. veniam benigne tribuit permittendi iterationem sacri dictis festis ad explendam ipsorum fidelium devotionem iuxta petita, ad triennium si tamdiu expositae circumstantiae perduraverint, vetita celebranti eleemosynae perceptione pro una e duabus Missis. Datum Romae, ex aedibus eiusdem Sacrae Congregationis, die 8. Maii 1928. D. JORIO, Secr.
