Bács megyei püspöki körlevelek, 1927
No. 705. Nominatio eppa- lis Administratoris Apostoliéi. — 15 — V. VENERABILES FRATRES IN CHRISTO DILECTISSIMI! Mirifica divinae majestatis gratia, cujus est ad fines suos obtinendos media fragilia eligere, ante quattuor annos munus etiam angelicis humeris formidandum mihi imposuit, regendi Ecclesiam Bačiensem temporibus discrimine plenis. Consiliis Vestris faventibus in omnibus utens hanc dioecesim amplissimam de sua catholicitate et fidelitate erga Sanctam Sedem claram, in virtute ejus conservare, firmare et aedificare per quattuor annos studuimus. Omnes nos „onus diei et aestum simul portantes1* critica tempora eorumque pericula sensu percipientes, a grege lupos rapaces arcere, fidelesque ad pascua aeterna perducere collatis viribus enixi sumus. Sanctissimus Pater vero adjunctis nostrae rei publicae sollicitus, curis laboribusque nostris paterno amore succurrere voluit et cum tempus concordati regno nostro concedendi incerta mora differatur, neve dioecesis Bačiensis ab unione metropolitana disjuncta restitui possit, Pater omnium regionum providentissimus deficientiae potestatis episcopalis eo modo providit, ut qui prius administrationem apostolicam instituerit, praeteritis quattuor annis me episcopum Ulularem designaret. Jurisdictione jam prius translata, auctoritate ordinis episcopalis nunc constituta de ecclesia Bačiensi regenda sufficienter cum accuratum sit, nostrum erit omnium, ut qui per distinctionem personae meae exhibitam cohonestati simus, cuncti idem spirantes, idem volentes, idem sperantes charitate Christi invicem jungamur. Dum mutua charitate complectimur, Deo omnipotenti nosmet gratos exhibere non negligamus: „Magnificat anima mea Dominum, quia fecit mihi magna, qui potens est sanctum nomen eius“; neque obliviscamur filialis nostri obsequii signa Vicario Christi probare, cujus benevolentiae pignus experti sumus. Quotidianis et enixissimis precibus Patrem omnis consolationis obsecrare non desinamus, ut abundantia suarum gratiarum Sanctissimo Patri Pio XI. adesse velit, qui Christi ecclesiam tot undique jactatam procellis apostolica vigilantia et sollicitudine digne et fructuose regere, Religionis incrementum ecclesiaeque salutem efficaciter promovere valeat. Divinae gratiae particeps et gravitatis muneris consciens oculos meos levo ad Vos, Fratres Venerabiles, unde mihi hucusque auxilium venerit et cum apostolo obsecro Vos „per Dominum Jesum Christum et per charitatem sancti spintus, ut adjuvetis me in orationibus Vestris pro me ad Deum (Rom. XV. 30.)“, ut qui prius Vester comminister fuerim, hinc in ordine successorum apostolicorum talis fiam, qualis et mihi et Vobis praeesse valeam. Quibus praemissis acta et documenta nominationis ex ordine publico: NUNCIATURE APOSTOLIQUE BELQRADE Nr. 6939. Belgrádié, die 13. Martii 1927. ILLME AC REVME DOMINE, Beatissimus Pater jam diu viderat haud satis posse in tam vasta totque plena fidelium regione, ut est Bačiensis Apostolica Administratio, simplex sacerdos munera omnia obire, quae Ordinario his difficillimis incumbunt temporibus. Administratio sacramentorum Confirmationis et Ordinis Episcopo demandatur. Pondus auctoritatis magis in Episcopo insedit. Donis Spiritus Sancti plenius Episcopus gaudet, qui supremi honoratur sacerdotii charactere. His de causis S. Pater te nominavit Episcopum titularem Cisamensem. Praepara te nunc ad Consecrationem humili prece ac largiori omnium sacerdotalium virtutum exercitio. Advoca Spiritum Sanctum, ut te summo sacerdotii honore reddat dignum teque efficiat lumen et exemplum fidei et charitatis omnibus quibus praees, omnibus quibuscum vivere debes, ut et „foris habeas bonum testimonium**. „Oportet enim Episcopum sine crimine esse sicut Dei dispensatorem**. Jurisdictio vero tua eadem remanet, qualem accepisti, cum Administrator Apostolicus Dei et Sanctae Sedis gratia renuntiatus es. Tecum gratulor de honore deque benevolentia, quibus te Beatissimus Pater prosequitur. Iisdem verbis, quibus Apostolus, litteras meas concludo: „Salutant te qui mecum sunt omnes: saluta eos qui nos amant in fide. Gratia Dei cum omnibus vobis. Arnen!“ Hermenegildus Pellegrinetti Archiepus tit. Adanen. Nuntius Apóst. Illmo ac Revmo Domino Ludovico Budanović Admin. Apostolico Bačiensi.
