Bács megyei püspöki körlevelek, 1926
— 24 — Quod supra in I. 4. de examine jurisdicti- onali corrigendo vel repetendo dicitur, valet et pro examine prosynodali. 5. Examen prosynodale quovis anno mense septembri subiri potest; extraserialiter non conceditur. Ad beneficium obtinendum concurrere solum examine prosynodali approbati possunt. Datum Suboticae, Festo s. Michaelis Arh. a. 1926. Ad examen ad normam can. 130. §. 1. praescriptum ad normas superiores subeundum tenentur ex sacerdotibus, qui post diem 18. maji a. 1918. ordinati sunt, sequentes: Adalbertus Flittner, Josephus Komáromy, Adamus Berenc, Emericus Heck, Martinus Stoffner, Conradus Ga- usz, Paulus Hegyi, Paulus Bešlić, Joannes Gart- ner, Michael Gartner, Antonius Poósz, Ludovicus Firány, Nicolaus Semlić, Petrus Kleiner, Mathias Körmöczy, Andreas Moullion, Franciscus Raible et Martinus Szobonya. Caeteri, quamvis post supranominatum diem ordinati, examini juxta hucusque vigentem consuetudinem jam subjecti sunt et praescriptis SS. Canonum satisfecerunt. Themata in I. 1. signata his supralaudatis Rever. DD.-is omnibus jam ad manus tradita sunt. Sanctissimus Dominus Noster Pius XI. Litteris Encyclicis „Quas primas“ pro toto terrarum orbe instituit festum D. N. Jesu Christi Regis, quotannis postremo mensis Octobris dominico die, qui scilicet Omnium Sanctorum celebritatem proxime antecedit, celebrandum. Inter tot perturbationes, quibus totus fere orbis adhuc semper jactatur, tempore isto lugubri, in quo nunc versamur, optime venit generi humano animo angustiis hodiernis exasperato constitutio festi D. N. Jesu Christi Regis. Praeclare Sanctissimus Dominus Noster in ipsis Litteris Encyclicis tollit vocem, colluviem ejusmodi malorum in orbem terrarum idcirco invasisse, quod plerique mortalium Jesum Christum santissimamque ejus legem cum a sua ipsorum consuetudine et vita, tum a convictu domestico et a re publica submoverant. Certa spes mansurae inter populos pacis nunquam affulget, usque dum et homines singuli et civitates Salvatoris Nostri imperium abnuant ac recusent. Plena cordis tranquillitas veraque animi pax, quam non potest dare mundus, tantummodo in regno Christi, in imperio Domini Nostri instaurando est quaerenda, nempe ut Ipse Rex regum et Dominus dominantium regnet in hominis mente, voluntate, animo, corpore ejusque membris. Ut haec tam augustum quam sublime consilium quo securius assequi cognitioque regiae Salvatoris Nostri dignitatis quam latissime disseminari possit, provocantur Venerabiles Fratres, ut omnem, quod suarum partium sit, operam impendant ad novoconstitutum festum quam splendidissime celebrandum, ut omnes fideles obedientiae, fidelitatis servitutisque suae praeclarum Christo testimonium exhibeant. Ipsi autem festi celebritati, ad quam populus iam praevie moneatur, vespere vero sabbati antecedentis sollemni Campanarum sonitu animadvertatur, praemittetur ad fideles contio, qua isti de principatus Jesu Christi Regis natura, vi, significatione et momento eruditi utilitates quoque ejusdem principatus quo uberius percipiant. Pro contionis materia perbene possunt converti lectiones Officii diei. Eo ipso die post sacrum maiore qua fieri potest sollemnitate et cum expositione Sanctissimi celebrandum ad benignum Sanctissimi Domini mandatum quotannis renovetur dedicatio generis humani Sacratissimo Cordi Jesu iuxta notam et ubique usitatam orationem. Cum novoconstitutum D. N. Jesu Christi Regis festum iam anno currente celebrandum sit, concernens Directorii locus sequenti modo mutatur: 30. Octobr. Vesp. de sequ. com. Dom. (Ant. Vidi. Dom. ante Dom. 1. nov.) Compl. Dom. Hodie ad Compl. et cras ad Horas Hymni term: Jesu tibi... qui sceptra mundi temperas et in R. br. ad Prim: Qui primatum in omnibus tenes. 31. Octobr. Dom. 23. p. Pent. et 1. nov. Festum D. N. Jesu Christi Regis. Miss. Gl. Cr. 2. or. Dom. Praef. pr. ult. Ev. Dom.-OS dp. 1 cl. 9 L. Hom-Laud. c. Dom. Vesp. de Seq. com Praec. et Dom. Suboticae, die 24. Septembris 1926. Nr. 2273. Festum D. N. Jesu Christi Regis
