Bács megyei püspöki körlevelek, 1926
7 partes : Exposito Sanctissimo cantatur unus versiculus hymni de Sanctissimo, recitantur 5 „Pater“ et 5 „Ave“ ad mentem ecclesiae (Sanctissimi Patris) et decantato alio versiculo datur benedictio. Ubi vero Sanctissimum non custoditur, loco hymni de Sanctissimo, cantentur versiculi alius hymni. Haec devotio instituatur occasione visitationis publicae cujuscunque ecclesiae et occasione confessionis et communionis juventuti scholasticae administrandae. h) Maximae curae inserviat clero, ut Christi fideles ultimum opus Jubilaei in. sta u gratiae absolvant, quod ad indulgentias assequendas omnino necesse est. Ideo edoceantur, ut ultimam visitationem peragant conjunctim communione. i) Ne concursus poenitendum una die permagnus crescat et impedimento fiat, quin administratio sacramenti poenitentiae a parochis in ordine disponi, a fidelibus vero tranquille percipi queat, magna sacerdotum penuria prae oculis habita, utendo facultate dispensationis disponitur, ut ultima visitatio ecclesiae communione con- juncta infra annum quovis die semper privatim peragatur. j) Ultima visitatio ecclesiarum ab iis, qui_ publicae processioni saltem uni interfuerint, item operariis, servis, famulis senibusque supra 70. annum necnon a sodalibus confraternitatum et unionum piarum, uti sunt ss. Cordis Jesu et B. M. V., ss. Rosarii, Scapularis, s. Altaris etc. privatim et singulatim in unica ecclesia horis matutinis absolvatur, qua occasione tribus aliis visitationibus dispensati, earum loco sacro missae — sub praecepto non obligatae — devote adesse, ad mentem ecclesiae orare, sacra Synaxi refici et instar ultimi operis jubilaei sacra communione sumpta professionem fidei elicere debent. Peracta professione fidei opus jubilaei absolvitur. II. Ecclesiae visitandae. a) In urbibus, ubi quattuor habentur ecclesiae vel capellae, omnes visitandae sunt. Ubi vero quattuor ecclesiae vel cipellae designari haud possunt, eligantur loco ecclesiarum cruces, mons Calvariae vel alii loci decentes. His omnibus deficientibus sola ecclesia parochialis fini visitationum inservire potest. b) Locum et numerum ecclesiarum visitandarum designabunt parochi pro suis parochianis prae oculis habentes, ut ordines ipsorum et sollemnitati quam majori et aedificationi fidelium inserviant, semper in conspectu habentes strictas dispositiones Constitutionis Apostolicae. c) Principales, ecclesiae habeantur templa parochialia, ast fideles parochiani possunt etiam extra suam parochiam visitationes peragere. Parochiae in allodiis sitae extra urbis territorium separatae sumuntur, quasi in locis, ubi unica adest ecclesia. Quod de parochiali ecclesia dictum est, valet et pro ecc’esia Ordinis Carmelitarum in Sombor et ecclesia Fratrum minorum in Bač. III. Visitationes ecclesiarum. Quoad visitationes ecclesiarum praescriptas ad mentem Constitutionis Apostolicae et ex facultate Ordinariis locorum in Constitutione concessa valeant sequentes 1. regulae generales: a) Visitationes ecclesiarum peragi possunt vel privatim sine sacerdote, vel publicae duce sacerdote, vel permixtim. b) Privatae visitationes iterum peraguntur singulatim vel processionaliter sine sacerdote; publicae visitationes semper duce sacerdote processionaliter. c) Una publica visitatio duce sacerdote aequivalet duabus visitationibus privatis, sine sacerdote sive singulatim sive processionaliter peractis. d) Qui publicae visitationi tantum semel intererit, duas visitationes peragat privatim, ultima vero visitatio semper privatim et singulatim est peragenda ad normam I. j). 2. Visitationes privatae. a) Qui visitationes ecclesiarum privatim, singulatim vel processionaliter sine sacerdote obire voluerint, una die quattuor ecclesias, capellas vel locos alio3 designatos invisere, ubi vero quattuor ecclesiae vel alii designati loci desunt, ecclesiam parochialem quaternis vicibu3 uno eodemque die ingredi debent. d) In privata ecclesiarum visitatione praeter orationem ad mentem ecclesiae peragi possunt Rosarium vel aliae preces ad beneplacitum. Privatae visitationes esse censentur etiam processiones fidelium sine sacerdote adornatae. Tales processiones possunt praesertim diebus festivis induci circumeundo ecclesias veL locos designatos, quibus deficientibus solam ecclesiam, eam quattuor vicibus ingrediendo et ad mentem ecclesiae orando, 3. Visitationes pullicae. a) Publicae processiones instituantur trinae duabus vicibus : tempore vernali mensibus április, maji et junii, tempore autumnali vero mensibus
