Pest-Budai hivatali utasítások a XVIII. században - Budapest Főváros Levéltára forráskiadványai 6.(Budapest, 1974)
PEST - (Utasítások a tanácsnak) - 27. A tanács utasítása (Szlávy Pál királyi jogügyigazgatótól) 1767. júl. 4.
Vigesimo tertio. Usque dum circa ipsum fundualem censum restantiasque pro praeterito nimium accumulatas disponenda suo loco disponantur, interea commissionaliter statuitur, ut a proxime affutura repartitione incipiendo cujusvis contribuentis annuum ex censu funduali obtingens schedae contributionali inseratur, ac eodem modo et tempore cum ipso contributionali quanto exigatur. Vigesimo quarto. Ut limitatio rerum praesertim pro quotidiano usu necessariarum, carnis, panis, piscium aliorumque id genus observetur, omnesque ad caristiam et penuriam inducendam tendentes abusus tollantur; quemadmodum deputatio oeconomica iuxta commissionaliter datam instructionem per visitationem quantitatis et qualitatis rerum venalium congrua media adhibebit, ita ipse etiam magistratus eatenus vigilantiam habeat; peculiariter vero hoc puncto statuitur, ut pistrices cum panis Hungarici divenditione ad fora hebdomadalia ne restringantur, sed modo in aliis liberis regiisque civitatibus usitato iisdem pistricibus panis venditio in foro quotidie libera sit. Vigesimo quinto. Ut praeemptio positivis quoque legibus vetita et publico multum nociva praecaveatur, magistratus fori inspectori pridie et ipsa die hebdomadalium nundinarum pro assistentia quadrantium magistros et unum alterumve ex satrapis adjungat, qui secundum fori inspectoris dispositionem, dum currus cum victualibus adventare incipiunt, ad capitales suburbii plateas exire, ibidemque contra praeemptionem solerter invigilare, comperiendosque casus sub gravissima animadversione eidem fori inspectori detegere obligabuntur, ut per hunc res praeemptae irremissibiliter in contrabandum sumantur, eidem et praefatis sibi adjunctis in una tertialitate cessurae, in duabus vero tertialitatibus ad cassam civitatis applicandae. Vigesimo sexto. Cum quaestores hujates, Graeci praesertim et Rasciani, rates, asseres, caeteraque lignea materialia praeementes, eorum pretium prope jam intolerabile effecerint, ac vix unquam eadem materialia a prima manu obtineri possint; prout igitur ex dispositione commissionis hujus regiae occasione nundinarum publicatum iam habetur, non licere hujatibus quaestoribus ligneorum materialium prius lignea materialis coemere, quam sub finem nundinarum, postquam nimirum alii jam privatis suis necessitatibus providerunt. Ita hujus dispositionis eifectum pro futuro etiam magistratus procurare omnimode studeat. Et quia civitas Pestiensis in ordine ad lignea materialia notabilis regni partis emporium est, et aliquot Pestienses quaestores sufficienter publico providendi capaces haud forent, ideo Comaromienses quaestores in antiquo etiam extra tempus nundinarum liberae materialium ligneorum venditionis usu relinquuntur. Vigesimo septimo. Postquam vigiliarum magister et satrapae hujus civitatis ex dispositione commissionis regiae inhibiti fuissent, ne a lignorum emptoribus taxam peeuniariam, a distractoribus vero ligna desumant, novae identidem contra eos supervenerunt querelae, quod cum lignorum quaestoribus compotantes eorum fraudem conniventer dissimulent, ac post abrogationem praedeclaratorum excessuum rarius ad ripam Danubii compareant. Ideo provincia haec quaestoribus lignorum invigilandi semper in futurum probo, conscientioso et sobrio civi erga annuum 40. f[lore]norum salarium demandanda veniet, hie et nunc autem Ignatius Volf 5 erga propositionem magistratus pro hoc munere obeundo constituitur. 5. Wolf Ignác mérőmester 1756, hídmester 1776. Schmall I. 244. 112
