Scriptores Ordinis S. Benedicti qui 1750-1880
Typis edidit: I. Heinrich von Morungen, aas dem Mittelhochdeutschen metrisch übertragen, (i. e. Henrici illius poetae Morungensis carminum in vernaculum versio.) I vol. 8°. Ienae, 1875, typ. Eduardi Fromman. Wülberz Stanislaus (San-Blasia11 us). Natus est in Esslingen in Würtembergia die 5. Nov. 1690; s. habitu indutus in divo Blasio ; sollemniter professus die 17. Dee. 1713, sacerdos ordinatus mense Maio 1720. Vix trium annorum sacerdos in abbatiam assumtus, sacellani, archivarii, renovatoris et ratiocinatoris munia per decern annos magna sedulitate gessit; praepositus postea Gurtwihlensis annis septemdecim non sine oeconomiae augmento. Administrator ecclesiarum in Bonndorf per très menses tantum, iterum ad aulam abbatialem revocatur cum titulo feudorum praepositi ; altera vice administrator in Bonndorf, ibidem post tredecim menses die 2. Iul. apoplexia ad introitum Missae tactus, praesente et ultimam illi benedictionem impertiente Meinrado abbate obiit sexagenarius. Vere Stanislaus iste pater et scriptor históriáé domesticae appellari meretur, ut qui ab eo tempore, quo tamquam sacellanus accessum ad archívum habuit, ad mortem usque omne tempus ab officiis sibi vacuum ad illustrandam históriám monasterii s. Blasii continuo impendit, inque eam rem triginta prope volumina aut ipse manu propria et nitido calamo conscripsit, aut ab aliis conscripta compilavit. Iussu abbatis Blasii históriám almae et archiepiscopalis universitatis Salisburgensis a Blasianis P. Romano Sedelmayr coeptam, et P. Romano Endel elaboratam et perfectamprelo commisit. P. Marquardo Herrgott in edenda sua genealógia diplomatica domus Flabsburgicae auxiliatricem manum praebuit, perlustratis Helvetiae aliorumque locorum archivis et bibliothecis, e quibus magnam copiam diplomatum et monumentorum collegit, eique Viennam transmisit. Aliis insuper modis rem litterariam in s. Blasio promovere studuit, nummophylacium praesertim , cuius amorem et aestimationem abbati Francisco II. instillavit. Melioris quoque notae libros, lexica antiqua praecipue aliosque bibliothecae Blasianae importavit, pecunia eidem abbati subministrata , quam tot annis Gurtwilae praepositus, parsimonia sua et oeconomia prudenter administrata, colleg-erat, vir de republica Blasiana multis titulis bene meritus. Sequuntur eius opera manu scripta: I. Nova incrementa congregationis SanBlasianae, seu tria monasteria s. Wilhelmi in Oberried, in Sion et in Mengen, monasterio s. Blasii incorporata 1725. Manuscriptum hoc continetur in eiusdem auctoris história seu incrementis monast. s. Blasii; et copia eiusdem adservatur in archivo Einsiedlensi. II. Res domi forisque praeclare gestae sub abbatibus Francisco I., Oddone, Romano, Augustino, ab anno 1638 usque 1720. Manuscript. 1726. Continet (in folio) pag. 11 1, et adservatur in archivo San-Paulano No. 142. III. Brevis indiculus rerum pie feliciterque gestarum sub Blasio III. abbate ab anno 1720 usque 1727. Manuscript. 1728. Continet (in folio) pag. 74, et adservatur in archivo San-Paulano No. 143. IV. Analecta illustrium et nobilium virorum genealogica, in quibus apparent familiae mille sexcentae octoginta, arma gentilitia ex chartis pendula eadem forma et magnitudine calamo eius depicta mille octingenta viginti quatuor. 4 volumina in folio. 1736. Manuscriptum hoc adservatur in archivo San-Paulano No. 193.
