Scriptores Ordinis S. Benedicti qui 1750-1880

torum philosophiae ; theologiae ac iuris- j prudentiae studiorum causa missus, inter primos sic excelluit, ut ingenium ad scientias egregie comparatum facile adverterint periti rerum aestimatores. Sublimioribus his emensis studiis Kai. Novembris anno 1735 neomysta ad aram stetit, et anno sequenti Braunam vocatus scholas humaniores ibi tradere est iussus, ubi antea ex ambone per octo annos ad populum dicebat. Quo in scholis pertracto anno paulo post ob examen missus ad monasterium Policense, ubi concionibus vacandi sodalitatemque Matris Dolorosae moderandi mandatum accepit. Sed nec hie diu permanere potuit. Labente enim anno 1737 iterum Braunam evocatus, philosophiae primum summa cum laude professorem egit, Bfevnovii theologiam deinde docuit et tandem ibidem subprioris, archivarii et bibliothecarii, totius congregationis Moravico-Boemicae o. s. B. secretarii, et finaliter „agentis causarum ordinis" munere Viennae insimul decorari meruit, quo in officio quatuor ferme annis Viennae perstitit. Sub id temporis contigit, ut vacaret praepositura Raigradiensis. Ideo, ut moris, a suprema aula alium eligendi praepositum illico petitur licentia, qua obtenta, dieque electionis indicta, praeSentibus regiis commissariis unanimi fratrum calculo Bonaventura in Aemiliani praepositi resignati locum suffectus (2D. Mart.) et 10. Aug. in ecclesia decanali Vyékovien. a card. ep. Olomucen. Troyer abbatialiter benedictus et infulatus est. Quae in monasterii nostri utilitatem perfecit, praemittenda putamus, antequam opera eius litteraria fusius per ordinem describenda aggredimur. Anno 1756 vi rescripti c. r. de die 25. Apr. (quod decreto c. r. anno praecedente emisso innitebatur), bénéficia curata, tarn Raigradiense quam Domaáoviense et OstrovaőiCense (Nigrof.), monasterio in perpetuum unita sunt. Tum variis cumulabatur noster praepositus privilegiis a sede apostolica. Sic impetravit a Benedicto XII. indulgentias plenarias semel de mense super cruce pectorali (orig. membr. sub O. g. 42 arch.), pro se suisque successoribus in perpetuum, ab eodem papa (breve de die 29. Mart. anni 1757) facultatem benedicendi de licentia ordinariorum vasa sacra, campanas et paramenia, — etiam adhibito sacro oleo et chrismate, modo hoc prius per aliquem catholicum ! antistitem confectum fuerit (orig. sub O. g. 40) ; — nec non facultatem (per breve apóst, dto. Romae 27. Sept. eiusdem anni) impertiendi indulgentias 40 dierum omnibus, qui, praestitis praestandis, missae pontiíicali intersunt. Speciali gratia Romae impetratum corpus S. M. Defendentis, quod Bruna Raigradium apportabat P. Hermannus Schneider prof. Brevnov. prior Raigrad., sollemniter in altari s. Benedicti collocatur (in festo s. s. Trinitatis 5. Iun. anni 1757) et anno 1759 corpus s. Felicissimi M. super aram s. Scholasticae. Ornata sic decenter ecclesia etiam alia negotia non omisit praepositus Bonaventura. Sic anno 1760 pontem lapideum super flumen Svarcava, usque in hodiernum intactum et firmum, construxit ; villa nostra Raigradiensis ecclesiae opposita a fundamentis aedificari coepta ad fastigium deducitur, turris ecclesiae mon. sinistra inclinata, ne maiora pararet damna, reparatur et 9. Maii novus imponitur nodus, cui libellus memorialis includitur. Sicque domus Dei honori perabundanter provisum fuisset, nisi