Scriptores Ordinis S. Benedicti qui 1750-1880

nibus glorificetur Deus. Prior monasterii per sex annos spiritum s. Patris, quo ipse plenus fuit, excitare custodire augereque impigre laboravit. Ultra septem lustra diíicillimis tempestatibus munus praefecti gymnasii ita sustinuit, ut amorem ac reverentiam sibi tam a superioribus quam ab inferioribus

; gymnasio vero insigne decus pepererit. Confratrum amatőr et vitae religiosae promotor et singulos et universos ! coluit et fovit, abbatibus nostris optime meritis, Mathiae, Iacobo, Ioanni Bapt. persimilis. Ipse monasterio novellám sobolem, bibliothecam ac s. supellectilem magna ex parte providit, et post tristem io annorum dispersionem suapotissimum opera rei nostrae nos restituit. Pie obiit Merani 19. Iun. 1820, honoriíicentissime pro meritis elatus, ad Placidum abbatem appositus est. Erit memoria eius in benedictione. Dilectissimus nobis confrater Benedictus, per 3 7 annos gymnasio Meranensi praefectus, latebrarum, quae in iuvenibus sunt, sagacissimus explorator praemissa brevi gymnasii história nomina conscripsit moresque notavit omnium gymnasii alumnorum ab anno 1782 usque ad 1819, manuscriptum omni aestimatione dignum, cui titulus : Namen und Conduite der Studenten, welche vom Jahre 1782 angefangen an unserem Gymnasium studirten. (i. e. Nomina morumque notatio omnium gymnasii nostri alumnorum ab anno 1782 —1819.) 4

0. Ms. i vol. 836 p. In archivo gymnasii Meranens. adserv. Langhayder Constantinus (Cremifanensis), antea Iosephus, Silvestri Langhayder fráter germanus, Austriacus Berghamensis, i3. Iul. 1726 natus studia Cremifani absolvit et exacto tirocinio die 8. Sept. 1745 professus et studia philosophica et theologica partim Cremifani, partim Salisburgi complexus die 18. Oct. 1750 sacerdotali dignitate auctus est. Cremifani primum principiorum, per triennium philosophiae, ab anno 1757 matheseos et philosophiae experimentális professor simulque tertius academiae nobilium ephorus, initio anni 1761 Salisburgum abiit et iuris utriusque doctor creatus s. canonum professor in universitate Benedictina institutus et in consilium ecclesiasticum celsissimi prineipis et archiepiscopi Salisburgensis adhibitus. Ab anno 1766 rector magnificus universitatis et celsissimo archiepiscopo ab intimis consiliis de re litteraria optime meritus et amplissimum monasterii sui decus obiit 29. Dec. 1787. Praeter theses physico-mathematicas in lucem éditas conscripsit : I. De multiplici privilegiorum significatione eorumque notione genuina et adfectionibus propriis dissertatio. Salisburgi, 1766. 4

0. (Quam dissertationem clarissimus Io. Phil. Steinhauser, pandectarum Salisburgi professor „perpetuum singularis prorsus et profundissimae eruditionis documentum" appellavit.) II. De legatis et nuntiis pontificum eorumque fatis et potestate commentatio historico - canonica. Salisburgi, 1785. Langhayder Meinradus (Cremifanensis), antea Erenbertus, fráter Silvestri et Constantini Langhayder, Austriacus Berghamensis, die 11. Febr. 1731 natus est. Studiis Cremifani absolutis monasterium illud ingressus vota sollemnia emisit 21. Nov. 1753, inter artium liberalium magistros nec non theologiae Viennensis doctores 1757 cooptatus die 1. Nov. 1758 primam laudis hostiam sacerdos litavit. Cellis Marianis in Austria inferiore confessarius, de-