Scriptores Ordinis S. Benedicti qui 1750-1880

in sol ila exceptione admissa

7 sumptibusque ad earn rem perficiendam generosissime concessis, mense Iulio i860 adhuc novitius una cum collegis suis examen maturitatis scriptum subiit, finito vero novitiatu viva voce aeque eminente cum successu absolvit. Ab anno 1861 ad 1863 Brunae theologiae studiis publice operam dédit et 1864 quartum studii theologici cursum theologiae pastoralis privato studio absolvit. Die 5. Apr. 1864 in quem diem eodem anno propter dies festos paschatis festum s.P. Benedicti translatum erat, vota sollemnia emisit. Postea, obtenta propter aetatem, cum vix 22 annorum esset, concessione pontificali Roma, die 4. Iun. Brunae in aede sacra s. Michaelis ab episcopo comité de Schaafgotsche sacerdos consecratus est, et primitiis festo ss. apostolorum Petri et Pauli 29. Iun. in aede s. monasterii Raigradiensis magno populi conventu praesentibusque parentibus consang^uineis multisque cognatis celebravit. Tempus inde usque ad delatum mense Sept. 1864 iurisdictionis decretum maxime in comitatu episcopi Brunensis, dioeceseos partem visitantis transegit, accepto simul mandato, ut pro concionibus dicendis etiam in slavica lingua exerceretur, cuius, qua natus Germanus, minorem habuit cognitionem. Mense Octobri 1864 bibliothecarius, duobus annis post etiam archivarius et 1870 insuper custos musei physiologici designatus est. Munere bibliothecarii iam i5 annos fungens, quamquam per eorum decursum, praesertim per priores i3 annos, hue atque illuc ad parochos in sacris officiis sublevandos tam frequenter mittebatur, ut in decanatu Moedricensi et Seelovicensi ex. gr. haud ullam invenias parochiam, in qua non aliquanto tempore subsidium in rebus sacris peragendis praestiterit, tamen in domestico munere suo nihil neglegens tam opportune tempore usus est, ut non solum diversissimos catalogos ad optatum finem perduceret, sed etiam bibliothecam eo tempore ultra duplum auctam videret usque adeo, ut initio anni 1879 complexus rerum atque operum ad bibliothecam pertinentium numerum 53718 exhiberet. Porro 9000 amplius librorum consignationes maxima ex parte ab eo factae; catalogus manuscriptorum, exhibens numerum 820, catalogus incunabulorum cum 900 tomis, ad normam optimorum exemplorum et secundum sententiam atque peritiam, ex observatione bibliothecarum Germaniae, Francogalliae, Italiae atque Helvetiae recentissime itineribus adquisitam, adumbratus atque perfectus est ; hue accedit etiam catalogus cunctorum 10890 librorum seu operum minorum, sive duris operculis consutorum (Broschüren) item catalogus tabularum geographicarum, numerum 880 complectens. Praeter haec negotia Maurus etiamtum nactus est tantum temporis, ut anno 1874 examen concursale pro parochia praescriptum subire et pergratis sibi históriáé et philologiae studiis indulgere, in ling'uis Romanis, iam in gymnasio addisci coeptis exerceri posset atque omni débita diligentia etiam res ad archivum spectantes pertractaret, quod ille penitus perlustravit suisque laboribus adeommodatum reddidit. Maurus Kinter inde ab anno i865 est etiam societatis stenographicae Brunensis, porro sectionis historico - statisticae Brunensis, societatis „Görresianae" ad propagandam scientiam catholicam et societatis oenologicae et pomologicae membrum. 30*