Sátoraljaújhely város kiváltságlevele 1261 - Oklevéltár (Miskolc, 1986)

SÁTORALJAÚJHELY VÁROSI KIVÁLTSÁGLEVELÉNEK LATIN NYELVŰ SZÖVEGE ANDREAS Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in omnium saluatore. Ad uniuersorum tam presencium quam futurorum noticiam harum serie uolumus peruenire, quod acce dentes ad nostram presenciam hospites nostri de Saturalia Wyhel exhibuerunt nobis litteras patentes Ladizlai illustris Regis Vngarie, fratris nostri karissimi felicis recordacionis, super libertatibus ipsorum confectas, petentes cum instancia, ut easdem approbare, ratificare, nostroque dignaremur de benignitate Regia priuilegio confirmare. Quarum quidem litterarum tenor talis est: NOS LADIZLAUS Dei gracia Rex Vngarie memorie commendantes significamus quibus expedit tenore presencium vniuersis, quod hospites nostri de Saturalia Wyhel ad nostram accedentes presenciam exhibuerunt nobis priuilegium Stephani illustris Regis Vngarie patris nostri karissimi felicis recordacionis super libertatibus eorum confectum, petentes cum instancia, vt ipsum ratum habere, et nostris patentibus litteris de benignitate Regia dignaremur confirmare. Cuius quidem priuilegij tenor talis est: STEPHANUS Dei gracia Rex primogenitus Illustris Regis Vngarie, Dux Transiluanus, omnibus presentes litteras inspecturis salutem in omnium saluatore. Ad Regiam pertinet Maiestatem, precibus condescendere subiectorum, ut sic fidelium numerus augeatur, et Regalis potencia lacius extendatur, cum Regis sit proprium in multitudine populi gloriari. Proinde ad uniuersorum noticiam harum serie uolumus peruenire, quod nos ad supplicacionem fidelium hospitum nostrorum de Satureleu has eis libertates duximus ordinandas: quod quelibet mansio singulis annis singula duo pondera in denarijs computatis pro tempore currentibus in festo Sancti Regis Stephani pro