Horváth Zita: Paraszti vallomások Zalában II. A Mária Terézia-kori úrbérrendezés kilenc kérdőpontos vizsgálata Zala megye egerszegi, lövői és muraközi járásában - Zalai gyűjtemény 60. (Zalaegerszeg, 2006)

Paraszti vallomások - Lövői járás

209. LIPPA

I. De nullo urbario certum aliquid referre sciunt.

II. Praestationes colonicales juxta receptum usum exiguntur, qui usus a memoria ipsorum semper observatus fuit, praeter censum kaszapénz dictum a faenilibus exstirpatiis desumi solitum, cujus praestatio ab annis circiter 20 invaluit.

III. Certa sessionum constitutiva hactenus non fuerunt, sed prout cujus hospitis sessio quartalis aut octavalis ex parte dominii praetendebatur, ita ab una integra quartali sessione solvebantur in parato aere annue F. 1 xr. 28 1 /2, a media vero quartali sive octavali sessione solvebantur xr. 44 1/4 et sic a proportione infra condescendo. Item ab una integra quartali sessione 1/2 cubulum Posoniensem tritici, 2 1/2 cubulos avenae, mediam Vasvariensem liquati butyri, 1/2 libram carminti lini, 6 ova, 6 limaces, quartalistae inquilini vero in domibus propriis degentes 30, in alienis degentes 20 limaces praestiterunt et sic a proportione infra descendendo. Quartalistae sive integri sive medii, id est octavalistae, 4 jugalibus provisi singula hebdomada cum 4 jumentis 11/2 dierum robottam aut loco hujus 3 dierum manuales robottas praestiterunt, alii vero 4 jugalibus non provisi vg. cum 2 equis praeter occationem caeteroquin manuales 3 dierum robottas praestiterunt, longas vecturas dominium ipsis in robottam imputavit.

IV. Beneficia et maleficia hujus possessionis per deputatos ad classificationem territoriorum connotata et inclyto comitatui relata habentur.

V. Iam superiis adnotatum habetur ad punctum 3-tium, quod hactenus sessionum constitutiva certa habita non fuerint, quantitas jugeri 1 hactenus, uti conscriptio domestica coram nobis conscriptoribus producta innuit, a capacitate 11/2 cubulorum Posoniensium considerabatur. Prata prout semel vel bis falcantur, in conscriptione adnotata et quae bis falcantur ad tantam procreationem, quanta ex binaria falcatione prosperatur, elevata sunt.

VI. Numerus robottarum ad punctum 3-um superius adnotatus est, quoad colonos sessionatos inquilini et subinquilini determinatam obligationem robottae non habuerunt, sed cum reliquis sessionalistis colonis occasione urgentium campestrium laborum ad dominales labores concurrerunt, itus et reditus in robottam imputabatur.

VII. Nona hactenus a terris ad sessiones possessis non praestabatur, sed solummodo a terris exstirpatitiis. Reliquae datiae superius ad punctum 3-ium sunt recensitae. An alibi locorum in gremio hujus comitatus nonae praestatio in usu fuerit, colonis his non constat.

VIII. Sunt in hac possessione terrae desertae, quae constituerunt unam integram sessionem usuanturque per incolas loci.

302