Zala vármegye története. Oklevéltár 2. 1364-1498 (Budapest, 1890.)

dam Dominicus Chak et Blasius Garath iobagiones ipsorum exponencium, in oppido Keztel commorantes per telonium magnifici Stephani de Bathor in possessione Hydweg exigi solito, domum versus, iusto telonio persoluto primumque pacifice transmisso, tandem teloniator Vrbanus Thege, de commissione prefati Luce castellani domini sui eosdem insecutus, dire usque ad sanguinis ipsorum effusiones verberasset, cipisque mancipando, quousque voluisset captivos conservasset. Preterea dum iobagiones et naute predictorum dominorum Johannis et Georgii exponencium, nonnullos peregrinos ad limina corporis Christi euntes, ipsorum navigio per aquam Balatini transducere habuissent, tunc universi populi et iobagiones prefati domini Stephani de Bathor ex antea commisso mandato antedicti Luce castellani in eosdem ma* nibus armatis irruendo, iactibus lapidum et aliarum rerum ipsos iobagiones dominorum exponencium et peregrinos de navibus eorum propriis eiciendo ipsorumque navibus dictos peregrinos recepissent et transferassent potencia mediante. Denique circa festum beati Demetrii martyris in anno proxime transacto preteritum, dum videlicet memoratus dominus Johannes Pethew exponens cum familiaribus suis et parvulis in equis et curru de castro Peleske domum versus venire habuisset, in quodam monte parvulis de ipso curru propter alimentacionem equorum suorum descendere iussis et ab ipso curru aliquantulum separatis, Paulus Ewry, Ambrosius de Mand cum ipsorum complicibus in tres parvulos ipsius domini Johannis exponentis nobiles de commissione pretacti Luce castellani manibus armatis irruendo, alios in arundines aque Zala depellendo, alium vero per viam usque domum plebani de Pah insequendo, nisi idem discretus Paulus plebanus eosdem in domo sua defendere potuisset, eosdem nece miserabili interimere voluissent potencia mediante, in preiudicium et damnum antefatorum exponencium valde magnum, testimonio presencium mediante. Dátum in Bennek, sexto diei inquisicionis prefate, anno domini Millesimo quadringentesimo octuagesimo tercio. Hátlapján két pecséttel; eredetije a gr. Festetics cs. keszthelyi Itárában. Zaladien. 200 b. Nagy Imre.