Zala vármegye története. Oklevéltár 2. 1364-1498 (Budapest, 1890.)
possessiones Eguruar et Fanchyka vocate ipsi magistro Herrico pertinerent,requisitum habuissemus, idem Dionisius procurator iamdicti magistri Herrici retulerat eo modo, quod dominus Karulus rex castrum Kemend vocatum cum villis et pertinenciis eiusdem, ipsi magistro Herrico in concambium castri Leuka vocati dedisset et contulisset, ipseque due possessiones Eguruar et Fanchyka nominate ad predictum castrum Kemend vocatum sibi statútum pertinerent. Cumque per eundem procuratorem prememorati magistri Herrici instrumenta super facto ipsius concambii emanata exhiberi coram nobis petivissemus, ipse procurator prefati magistri Herrici responderat tali modo, quod instrumenta super facto ipsius concambii, pro eodem magistro Herrico adhuc plenarie et in toto emanata non extitissent, quia ipse dominus noster rex prefato magistro Herrico ad predictum castrum Kemend plus addere et ipsum concambium meliorare vellet et intenderet, et pro eo ipsa instrumenta concambilia pro tunc valeret exhibere. Unde his perceptis et habitis, ipsam causam ad octavas festi Nativitatis virginis gloriose tunc venturas duxeramus prorogandam eo modo, ut tunc ipse magister Herricus, hoc ut sibi predictum castrum Kemend cum suis pertinenciis in concanbium prefati castri Leuka vocati per dictum dominum nostrum regem dátum fuisset, per literas regias declarare teneretur; quibus declaratis iudicium et iusticiam facere valeremus inter partes in facto possessionum predictarum. A quibus quidem octavis ipsa instrumentális exhibicio, regio literatorio edicto interveniente, ad presentes quindenas residencie regalis exercitus aliis nostris literis dilatoriis mediantibus, inter prelibatas partes extiterat protelata; tandem ipsis quindenis residencie regalis exercitus contra Layk voivodam moti et ad octavas festi beati Andree apostoli proclamate occurentibus, prelibato Dionisio filio Lorandi pro ipso magistro Herrico cum procuratoriis literis domini nostri regis ab una, item prefatis Nicolao et Johanne filiis Michaelis de Eguruar personaliter ac Johanne filio Matbius pro ipso Benedicto filio Stephani cum procuratoriis literis conventus Saxardiensis ex altéra parte, in figura nostri iudicii comparentibus, quia prelibatus
