Zala vármegye története. Oklevéltár 2. 1364-1498 (Budapest, 1890.)
memorie commendamus tenoré presencium significantes quibus expedit universis, quod nos qui ex innata nobis regia libéralitate cunctorum nobis fideliter obsequencium merita et actus virtuosos digne retribucionis bravio metiri solemus,. eosque exinde premiis decorare donativis, consideratis et in nostri cordis armario digne recensitis preclaris fidelitatibus et fidelium diuturnorum serviciorum meritis laudedignis virtuosisque gestis et sinceris complacenciis fidelis nostri dilecti egregii Johannis filii magnifici Nicolai de Zeech alias magistri tavarnicorum nostrorum, quibus ipse a diuturnis temporum curriculis in plerisque nostris et regnorum nostrorum arduis agendis et expedicionibus difficilimis, sicuti prosperis sic et adversis, sub diversitate locorum et temporum, non parcendo rebus suis et persone, maiestati nostre et sacro nostro regio dyademati toto animi sui conamine et iuxta omnem sue possibilitatis exigenciam solicitudine indefessa studuit complacere seque nobis gratum reddere valde et acceptum; pretextu quarum cupientes ipsum ad presens prout animus noster regius promtis affectibus largius intendit in futurum alicuius nostri favoris benivolencia consolari, quasdam possessionem Zenthelsebeth vocatam et porciones possessionarias in possessione Chatar appellata in comitatu Zaladiensi situata habitas et existentes, que condam nobilium dominarum consortis Blasii filii Bartholomei ac relicte condam Nicolai de Korong prefuisse et per defectum seminis earumdem ad manus nostras regias iuxta regni nostri consvetudinem rite devolute fore perhibentur, simul cum universis ipsarum utilitatibus et pertinenciis quibuslibet, terris utputa, arabilibus cultis etincultis, agris, pratis, silvis, nemoribus, virgultis, montibus, vallibus, vineis, vinearumque promontoriis, aquis et aquarum decursibus, molendinis molendinorumque locis, et generaliter quarumlibet utilitatum et pertinenciarum integritatibus, quovis nominis vocabulo vocitatis, ad easdem possessionem et porciones possessionarias de iure spectantibus et pertinere debentibus, sub ipsarum veris metis et antiquis limitibus, quibus eedem hactenus per earum possessores rite tente fuerunt et possesse, ex certa nostre maiestatis sciencia et animo deliberato, prefato Johanni filio Nicolai de
