Zala vármegye története. Oklevéltár 2. 1364-1498 (Budapest, 1890.)

175. De Vicedominis Máté esztergomi vicarius, Demeter tihanyi apátnak az arácsi, ke'ki, füredi, kövesdi, örmény esi, dörgicsei stb. tizedek miatt fenforgó vitás ügyében ítél. Esztergom, 1416. mart. 31. Nos Matheus de vicedominis de Placencia, utriusque iuris doctor, archidiaconus Nitriensis et canonicus in ecclesia Strigoniensi, necnon reverendissimi in Christo patris et domini Johannis miseracione divina et apostolice sedis grácia archiepiscopi Strigoniensis locique eiusdem comitis perpetui primatis et dicte sedis legati nati etc. vicarius in spiritualibus et causarum auditor generális, notum facimus tenoré presencium quibus expedit universis, quod nuper in dicti domini nostri archiepiscopi et nostri pro parte venerabilium dominorum de capitulo ecclesie Wesprimiensis noticiam deducto, quomodo venerabilis et religiosus dominus fráter Demetrius abbas monasterii de Tykonio ordinis fratrum sancti Benedicti Wesprimiensis diocesis, certas decimas cum earum quartis possessionum suarum, in quibus ipsum capitulum et domini ex eodem in pacifica possessione levandi et percipiendi fuissent et essent, nisus fuisset et niteretur pro se certarum literarum nostrarum vigore occupare, diceretque eas(dem) ad se pertinere; super quo inter easdem partes eciam alie litere nostre fuissent obtente, sed tandem in ipsa causa in nonnullis actibus ulterioribus propter suspensionem causarum in recessu eiusdem domini nostri archiepiscopi versus Constanciam et sacrosanctam synodum que in eadem celebratur fuisset processum, ipseque dominus fráter Demetrius abbas medio tempore horum respectu taliter laborasset, quod propter dicti domini nostri archiepiscopi et legati ac nostram absenciam et causarum suspensionem ius eiusdem capituli absorberi niteretur, et quia dicti domini nostri archiepiscopi et legati non fuerat nec est intencionis ut aliqua cium in suis iuribus debuisset et debeat difraudari, commisit et mandavit idem dominus noster archiepiscopus, et nos commisimus et mandavimus honorabili (viro dom)ino Andree archidiacono de Kamaron et canonico in dicta ecclesia Strigoniensi, de quo singulariter gessit et nos gerimus in hac parte fiduciam, advocatis par-