Zala vármegye története. Oklevéltár 2. 1364-1498 (Budapest, 1890.)

69. Mária királyné Légrád nevü birtokot Somogy vármegyében a Mura folyó mellett, hívének Salamonvári Salamon fiának János csongrádi főispánnak adományozza. Buda, 1384. jul. 19. reláció domini fratris Thome episcopi Segniensis. Nos Maria dei grácia regina Ungarie Dalmacie Croacie etc. memorie commendamus per presentes, quod magister Johannes filius Salamonis de Salamonvara, aule nostre miles et comes Changradiensis, ad nostre serenitatis veniens presenciam, propositis suis fidelitatibus et serviciis, nobis locis et temporibus opportunis exhibitis, quandam possessionem Lewgrad vocatam in comitatu Simigiensi prope fluvium Mura existentem, asserens eam nostre fore et regié collacioni pertinere, sed per quosdam homines, occulte et sub taciturnitatis silencio tamquam iurium regalium celatores, hactenus detinuisse, a nobis sibi dare et conferri postulavit. Nos itaque recordatis premissis fidelitatibus et serviciis eiusdem magistri Johannis, quibus olim serenissimo principi dominó Lodovico regi Hungarie etc. genitori nostro carissimo felicis memorie, et tandem eodem nutu divino ab hac luce absque heredum masculinorum solacio decesso, nobisque ex hoc iure geniture ad solium ipsius regni nostri Ungarie, uti filius masculinus dicti olim patris nostri transscendentibus, et sceptrum regiminis eiusdem regni nostri dante dominó feliciter gubernantibus, studuit et adhuc anhelat intrepide complacere, premissam possessionem Lewgrad appellatam, in dicto comitatu Simigiensi existentem, omni eo iure et titulo quo ad nostram dinoscitur pertinere collacionem, cum omnibus suis utilitatibus et pertinenciis universis, sub suis veris metis et antiquis, quibus per priores suos successores habita fűit et possessa, eidem magistro Johanni et per eum suis heredibus heredumque suorum successoribus et posteritatibus universis, nove donacionis nostre titulo dedimus, donavimus et contulimus, imo damus, donamus et conferimus, iure perpetuo et irrevocabiliter possidendam, tenendam pariter et habendam, absque tamen preiudicio iuris alieni, harum sub secreti nostri sigilli testimonio literarum, quas in formám nostri privilegii redigi