Petrik Iván (szerk.): Memoriae commendamus, Emlékezetül adjuk. Válogatás Pápa város történetének forrásaiból - A Pápai Levéltár kiadványai 1. (Pápa, 2010)
Források
Magyar Kamara Archívuma. Libri donationum 21. kötet 46.; A 35. Magyar Kancelláriai Levéltár. Conceptus Expeditionum 1738. július nr. 18. Nos Carolus 6 etc. memoriae commendamus tenore praesentium significantes, quod posteaquam fidelis noster spectabilis ac magnificus comes Franciscus iunior Eszterházy de Galantha perpetuus in Fraknó comitatus Borsodiensis supremus comes, generalis vigiliarum praefectus colonellusque, camerarius et noster actualis intimus consiliique nostri regii locumtenentialis consiliarius, tabulae item septemviralis assessor, nec non agazonum nostrorum regalium per Hungáriám magister demisse repraesentasset, qualiter telonium ipsius comitis in oppido eiusdem Papa comitatui Wesprimiensi adiacente hucusque praehabitum et primo occasione duntaxat universalis in regno institutae teloniorum investigationis ob non reproductionem soliti privilegii regii super erigendo telonio extradari soliti in quaestionem sumptum ac tam diu donec eatenus vel antiquum privilegium reproduceretur vel novum impetraretur ab omni vectigalium et tributorum consuetorum exactione suspensum fuerit. Superindeque maiestati nostrae, quatenus nos ex ingenita benignitate et clementia nostra caesareo regia rationibusque et motivis ex iis, quod tam ipse supplicans comes, quam et sui praedecessores in usu praescripti telonii ac tributi abinde provenire soliti exactione pacifice semper et imperturbare ab immemorabili praefuissent eiusdemque meritum et necessitatem non modo dictus comitatus Wesprimiensis, cui, uti praemissum haberetur, adiaceret, sed etiam consilium nostrum locumtenentiale regium ultronee recognoscerent ipsi comiti eiusdemque successoribus super praeattacto telonio benignum privilegium teloniale impertiri clementissime dignaremur humillime supplicasset. Nos itaque humillima eiusmodi dicti comitis supplicatione clementer exaudita ac eo etiam in benignam considerationem sumpto, quod idem comes ad portam praefati oppidi Papensis Uj Kapu dictam septem, aliam autem Füzes Kapu nominatam 26., item ad molam aeque Füzes Malom nominatam 4 Vi ac tandem in duobus locis super canales e lacu extra oppidum existente deductos 12, in toto autem 49 et Vi orgiarum pontes, repleturas, vero in diversis circa praescriptos pontes et canales reperi- bilibus paludosis locis universim ad orgias 299 cum gravibus sumptibus et pro commoditate itinerantium continuo transitu memoratus comes 128
