Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <XXX>

pro attacto Cisterciensi Ordine fundatam dein vero per injurias temporum desolatam, ac tandem novissime, a gloriosae reminiscentiae Leopoldo primo, qua Hungáriáé condam Rege praelibato Ordini reincorporatam, ac jure postliminii restitutam, pertinentium ad praememoratum Hevesiensem Comitatum emanaverit.

Siquidem vero isthoc benignum mandatum Caesareo-Regium tum ob vix consopitam contagiosae luis formidinem, ac interclusos hucusque passus, et per consequens commeatus defectum, tum etiam ob id quod interea in eodem mandato nominatim expressati detentores et usurpatores, ex parte jam sint mutati, ad memoratum Hevesiensem Comitatum perferri et fructuose exequi usque in praesens haud potuisset. Nunc vero sceptrum et Regni gubernium tenente ipsomet feliciter neoinaugurato Rege, mandatum hocce renovatum, ac sub Sacratissimo ejusdem nomine emanatum, indubie majoris censeretur efficaciae.

Eapropter Excelsae Cancellariae Regiae Aulico-Hungaricae hisce [p. 163.] mandatario nomine perquam demisse supplico, quatenus saepefatum mandatum sub Gloriosa Caesareo-Regiae Majestatis nomine renovare, ac vigore ejusdem, generaliter quidem cunctis illegalibus usurpatoribus et detentoribus bonorum, ad praefatam Abbatiam de Pásztó jure pertinentium, et a praedecessore Domini Principalis mei, Domino nempe Andrea Zolnay, usque ad obitum suum, semper imperturbate possessorum, atque ex parte hisce protectionalibus Caesareo-Regiis (quarum originale mihi restitui demisse rogo) expressatorum, specialiter vero oppidanis Pásztensibus et eorum Plebano, qui ipsam aedem Abbatialem ad rudera dirutae Abbatiae constructam, atque meo Reverendissimo Domino Principali, mediante actuali installatione, in facie loci collatam et assignatam, via facti occupasse, et etiam num occupare noscuntur, restitutionem absque cunctatione et mora faciendam gratiose demandare dignetur. Quam gratiam praestolaturus, me consuetae benevolentiae substernens maneo.

Excelsae Cancellariae Aulico-Hungaricae Demississimus servus in Christo Engelbertus Cisterciensis Velehradensis Plenipotentiatus manu propria.

Petitioni meae in omni aequitate fundatae, per Excelsam Cancellariam omnino in hoc passu delatum fuit, per decretum tenoris sequentis:

Carolus Sextus etc. [p. 164.]

Reverendi, Honorabiles, Spectabiles ac Magnifici, necnon Egregii et Nobiles, fideles Nobis dilecti et demisse simul et querulose repraesentatum est Majestati Nostrae, nomine et in persona, fidelis Nostri, Nobis dilecti, Honorabilis et Religiosi Floriani Nezorin, Sacri Ordinis Cisterciensis Abbatis Velehradensis in Moravia et Beatae Virginis Mariae de Pásztó in Hungária. Quod licet idem, modofatam Abbatiam Beatae Mariae Virginis de Pásztó,

265