Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <XVI>

haeredum primogenitum in omne tempus, id ipsum etiam articulo quinto, armo 1547 aliisque statuentibus, pro legitimo et haereditario suo Rege ac Domino Domino sint habituri, et ergo semper totiesque quoties ejusmodi inauguratio instauranda erit praemittendam Regiam Assecurationem, Juramentumque superinde juxta formulam a majoribus suis praestitam deponendum, diaetaliter intra hoc Regnum Hungáriáé rite coronaturi, in eo casu (quem divina Bonitas in omnia saecula clementer avertere dignetur) quo altememoratae Suae Majestati Sacratissimae semen masculinum deficere contingeret, istiusmodi adipiscendi [p. 110.] praenotati Regni Hungáriáé et Partium Eidem Annexarum, eorundemque Sacrae Coronae atque suscipiendi Regiminis successionem erga praeviam, praedeclaratoque modo praemittendam Regiam affidationem et juramentum desuper praedicto modo praestandum, in Serenissimum quoque modernum Hispaniarum Regem Dominum Carolum Secundum ejusque pariformiter masculinum semen redundaturam et transituram pariter acceptantes, demisse rogaverunt, ut nos infra scriptos articulos, omniaque ac singula in iis contenta rata, grata et accepta habentes Nostrumque Consensum illis praebentes, benigne acceptare, authoritate Nostra approbare et confirmare, nos ipsi suo tempore benigne observare, quam per alios quorum interest firmiter observari facere dignaremur, quorum quidem articulorum tenor sequitur et est talis:

Primo, quod praeter praeinsinuatam ab antiquo deductam haereditariam Regiam successionem ac coronationem, in reliquo universas ac singulas communes istius Regni Hungáriáé Partiumque Eidem Annexarum Libertates, Immunitates, Privilegia, Statuta, communiaque Jura, Leges et Consuetudines a Divis condam Hungáriáé Regibus ac moderna etiam praelibata Sua Caesarea et Regia Majestate hactenus concessas et confirmatas, in futurumque concedendas et confirmandas (ad quas et quae dicti Status et Ordines formulam quoque juramenti, ad initium decretorum Serenissimi Domini Principis Ferdinandi Primi expositam extensam et reductam habet) exclusa tamen et semota articuli tricesimi primi Decreti Divi Andreae Regis Secundi de anno 1222. clausula incipiente: quodsi vero etc. usque ad verba: in perpetuum facultatem etc. in omnibus suis punctis, clausulis [p. 111.] et articulis, prout super eorum usu et intellectu regio et communi statuum consensu diaetaliter conventum fuerit, Sua Serenitas firmiter et sancte observabit, per aliosque omnes et singulos inviolabiliter observari faciet.

Secundo, quod praespecificati Serenissimi Hispaniarum moderni Regis masculi haeredes, futuri nempe Reges Hungáriáé Partiumque praedictarum, in hoc Regno Hungáriáé aut vicinibus eidem provinciis personaliter residebunt.

Tertio, Sacram Regni Coronam juxta veterem consuetudinem ipsorum Regnicolarum legesque Patrias per certas de eorum medio ad hoc delectas personas saeculares in hoc Regno conservabit.

237