Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <VI>

Episcoporum Coronam Capiti Suae Majestatis, una cum Domino Palatino imponit, dicta oratione ex Pontificali, pariterque Sceptrum Regi Coronato, in dexteram tradit, Gladioque Sancti Stephani discingitur, et Gladius traditur ei, qui eum antea gestabat.

Et sic coronatus Rex in manibus Sceptrum et pomum gestans ab Archi- episcopis et Episcopis ad suum thronum deducitur, et ibi solemniter inthronizatur.

Deinde cantatur Te Deum Laudamus, pulsantur tympana ab Hungaris et Germanis tubaeque resonant, et exploduntur tormenta in arce et moenibus civitatis, necnon a scolpetariis fiunt explosiones prima vice. In Ecclesia vero acclamatur vivat Rex, signo per Palatinum dato.

Archiepiscopus celebrans peragit in Pontificali positas orationes et benedictiones, quibus finitis redit Archiepiscopus celebrans ad cantandum Evangelium. Interim Coronam Sceptrum et Pomum a Rege recipient ministrantes Episcopi, vel ad id deputandus, quae illis Magnatibus a quibus gesta fuere, restituuntur, qui acceptis ejusmodi Clenodiis ante solium Regis utrinque consistunt, sustinentes Clenodia. [p. 52.]

Regi vero Liber Evangelii ab Archiepiscopo et aliis Episcopis deosculandus porrigitur, et cantatur Credo. Quo finito Rex a deputatis Episcopis sub Offertorio ad Summum Altare ducitur, ubi flectit genua, et offert aliquam quantitatem auri in pelvim argenteam ad id praeparatam, osculaturque Crucem ab Archiepiscopo eidem porrigendam. Quo facto reducitur ad thronum ab Episcopis eidem assistentibus. Et missa continuatur. Sub Elevatione Clenodia Regia invertuntur terram versus, finita Elevatione eriguntur denuo.

Missae Officium producitur usque ad Communionem, quo tempore Sua Majestas a duobus Episcopis deducitur ad communicandum, post Communionem ad thronum redit, comitantibus iisdem Episcopis, et Suae Majestati rursus apponitur Corona.

Finito Sacro custodes Januarum aperient portam inferiorem majorem versus scholas, et inchoatur processio.

Sua Majestas immediate ad Portam templi, et inde cum comitatu suo pedes incedente ordine, quo supra usque ad Templum Franciscanorum, super ponte ligneo rubro viridi et albo panno tecto uno tractu procedet. Ex praefatis custodibus Januae templi diriget Regnicolas, ut praecedant sine haesitatione plebe et vulgo ad partem relegatis, custodes Portarum Templi et Claustri Franciscanorum ordinabuntur.

204