Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)
Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András
Acta et observata <V> <V> Legatio mea ad Diaetam per Dominum Carolum VI. indictam in libera regiaque urbe Posoniensi reassumendam, anno 1712 Postquam Reverendissimus et Amplissimus Dominus Dominus Abbas Praesulque meus Florianus, utpote ex collatione Caesareo-Regia Abbas Beatae Virginis Mariae de Pásztó in Superiori Hungária, Comitatuque Hevesiensi, ac per consequens unus e numero Abbatum Regni, sub initium mensis Februarii, mediante Decreto Caesareo-Regio (regales vocant) ad futuram coronationis regiae diem, ac deinceps reassumendam Generalem Regni Diaetam adcitatus evocatusque fuisset. Is vero tum ob viarum impracticabilitatem et aquarum ingentem diffusionem, tum etiam praecipue ob continuam suam sinistram valetudinem, personaliter comparere partim nequivisset, partim etiam certis ex causis noluisset, [p. 36.] Legatio mea Hungarica, quae obvenit anno 1712 Posteaquam Reverendissimus et Amplissimus Dominus Dominus Abbas meus Florianus utpote ex collatione Caesareo-Regia Abbas de Pásztó in Superiori Hungária, Comitatuque Hevesiensi, ac per consequens e numero Abbatum Regni, sub initium mensis Februarii per benignas literas regales, ad futuram coronationis Regiae diem pro 3 Aprilis seu Dominicam in Albis designatam, ac deinceps subsecuturam Regni Diaetam invitatus evocatusque fuisset. Is vero tum ob viarum impracticabilitatem aquarumque ingentem diffusionem, tum continuam sinistram valetudinem, tum etiam ob id, quod ejusmodi regularibus Abbatibus sessio defacto necdum concedatur inter Regni Proceres, ac per consequens cogeretur non absque dedecore praejudicioque sui Status dignitatis et praecedentiae his partibus sibi competentis, inter Regnicolas undique magno numero concurrentes, et vehementer inordinate incommodeque confluentes et confidentes se intrudere sedemque sibi quaerere, comparere personaliter partim non potuisset partim etiam noluisset. Igitur idem Dominus Abbas Paterque meus vice et nomine sui me conformiter ad tenorem benignarum regalium literarum, substituit, atque cum sufficienti plenipotentia ad designatam liberam civitatem regiam Posoniensem, in finem literis regalibus expressatum ablegavit, [p. 37.] Conformiter igitur ad memorati Reverendissimi Domini mei mandatum iter ingressus sum ultima Martii, postquam pridie currum meum ob Moravae exundantiam per Napajedlium usque Maresaticium praemisissem, pergens- que per naviculam ibidemque currum meum attingens, via utcunque bona, sed hinc inde propter fluviorum rivorumque praecipitantiam et exundantiam 195
