A Veszprémi káptalan számadáskönyve 1495-1534. Krónika 1526-1558. Javadalmasok és javadalmak 1550, 1556 - A Veszprém Megyei Levéltár Kiadványai 13. (Veszprém, 1997)
Számadáskönyv (1495-1534)
[N]ota, quod in anno Domini millesimo quadringentesimo nonagesimo quinto nos capitulum ecclesie Wesprimiensis in loco nostro capitulari capitulariter congregati in festo beate Margarethe virginis decanum nostrum constituimus magistrum Emericum de Rezy soçium et concanonicum nostrum. Item divisores et conservatores pecuniarum nostrarum constituimus honorabiles viros dominos Blasium lectorem et Iohannem de Kenése archidiaconum Albensem, socios et concanonicos. Item officialem nostrum constituimus Galium Arky iobagionem nostrum de Kezy. Item magistros possessionum nostrarum Naghberen, Ochman, Chaba, Megver, Gerezd, Chege et Faad constituimus honorabiles viros magistros Petrum de Somoghwar et Nicolaum de Karol socios et concanonicos nostros ita, ut iidem décimas et nonas nostras ac alia omnia iura nostra ibidem existentia nobis fideliter et conscientiose administrare debeant et teneantur, et quod numerum dicarum frugum et vinorum, postquam dicaverint et numeraverint, nobis presentare conscientiose teneantur. Item magistros possessionum nostrarum Merenye, Garaboncz, Wylak et Nemethpah constituimus dominum Iohannem de Polyan custodem ac magistrum Mathiam de Kortho socios et concanonicos nostros ita, ut ipsi omnia iura nostra de eisdem possessionibus nobis obvenientia conscientiose administrent, numerumque dicarum frugum et vinorum simili modo conscientiose presentare teneantur inmediate, postquam dicaverint. Item magistrum possessionis nostre Naghgymolth constituimus magistrum Martinum de Ewsy socium et concanonicum nostrum modo, quo supra. Item predium et silvam nostram in Wigand commisimus custodie decani nostri. Item predium nostrum in Herend Bakoniensi similiter provisioni decani nostri. Item predium nostrum Bosok locavimus Georgio de Essegwar usque sex annorum revolutionem pro fl septem, ut in litteris domini iudicis curie regie. Item custodiam silvarum nostrarum Zyman et Bere commisimus conscientiose provisioni magistrorum Nicolai de Karol et Blasii de Bederfalwa sociorum et concanonicorum.
