Tanulmányok Veszprém megye múltjából - A Veszprém Megyei Levéltár Kiadványai 3. (Veszprém, 1984)

Solymosi László: Hospeskiváltság

Az 1275. április 30-i hospesprivilégium szövege Nos magister P(aulus) prepositus et capitulum Wesprimiensis ecclésie significamus tenoré presencium universis, quod viro nobili Leurentha filio Sauli comitis de Leurentha ex una parte, Benchuk, Morthun, Wendeg, Farkasio, Thevk, Symun, Dyonisio, Bodok, Vgud, Bodo, Derne, Thoma, Abraam, Adriano, Andrea, Fényes, Marcello, Andrea filio Iohannis, Iwanka, Fulkus, Agad, Kethe, Marcello filio Thyvodory, Paznan et Chompolth populis ducalibus de Bogdan ex altera coram nobis personaliter constitutis per prefatos populos unanimiter et concorditer propositum extitit et relatum, quod cum regia clemencia prefato Leurente pro suis serviciis graciosis terram ipsorum Bogdan appellatam dederit et contulerit perempniter possidendam et idem Leurenta eos cum omnibus bonis eorum atque rebus ab illa recedere pacifice permisisset, ipsi considérantes bonitatem et dileccionem efficacem Leurente sepedicti ab ipsoque sperantes protegi et ab omnibus deffensari ad predictam terram volente ipso Leurenta ac invitante sponte redissent eandem terram sub libertate hospitum in regno existencium a collacione eiusdem possessuri assumpmentes coram nobis, ut eidem Leurente pro inhabitacione terre supradicte ipsi et sui successores, qui in eadem voluerint habitare, eadem obsequia, servicia et débita impendere teneantur annuatim, que populi domini Rolandi palatini de villa Chwl, qui hospitum fruuntur libertate, suo domino facere et impendere consueverunt: duo pondéra scilicet annuatim pro terragio, unum pondus pro munere et descensu de singulis mansionibus solvere tenebuntur. Veniendi eciam et recedendi, dum eis placuerit vel oportuerit, petita licencia et debitis persolutis villico ville, qui pro tempore fuerit, habebunt liberam facultatem. Omnia autem iudicia prêter homicidium, furtum et sanguinis effusionem, que curiali comiti a domino ipsorum eis deputato specialiter reservantur, villicus ipsorum, quem pro tempore ipsi ex ipsis concorditer elegerint, inter ipsos iudicabit et iudicium, in quo quis remanebit,sexaginta denarios non excedet, quorum triginta ex gracia consueta tenetur villicus relaxare et ex residuis triginta denariis vel paucioribus duas partes curiali comiti, cum quo iudicat, ipse villicus dare tenebitur tercia parte sibi reservata et econverso ipse curialis comes eodem modo condempnacionum suarum terciam partem villico assignabit. Nec amplius, quam ter in anno curialis comes in ipsis sollempniter iudicabit.