Horváth M. Ferenc - G. Molnár Péter (szerk.): Váci végrendeletek II. (1729-)1751 – 1770(-1785) - Váci Történelmi Tár 6. (Vác, 2010)

Bevezetés

1. Ante omnia ad inclyti dominii dispositionem pio voto secundum facultatum mearum vires lego duos aureos.

2. Quoniam quidem piae memoriae conthoralis mea Regina videlicet Hubert unanimi voto et consensu meo tanquam pro materna successione prolibus quatuor ex se progenitis Theresiae, Henrico, Catharinae utpote et Annae unicuique per 400 florenos excidisset eandem excisionem stare et in vigore suo permanere volo.

3. Moderna mea conthoralis Theresia nata Franzenau (Franczennau) habuit allaturam 500 florenos, in cujus contestationem titulo dotis oblationem in episcopali hacce civitate situatae mediae domus cum opificio et ad id spectantibus requisitis necessariis instrumentis feci, quam nunc renovo et renovando praefatam conthoralem meam, in iis constituo haeredem.

4. Adscribendum est demeritis nostris cur in oeconomia cum priori mea Regina Hubert nominata consorte nullum fecerimus progressum quin potius notabilia debita passiva contrahere ad promovendum opificii negotium

necessitati fuerimus. Signanter:

A venerabili capitulo Vaciensi fl. 1 000 A Casparo Steidl (Staill!) fl. 150

A Tertii Ordinis Congregatione fl. 100

Ab orphanis Palisianis fl. 100

Summa: fl. 1 350

Erga hocce debitum per me docentibus quietantiis solutum est demortua uxore mea venerabili capitulo fl. 500, ordini tertio fl. 100. Ad deputa- tionem vero supernatantium adhuc debitorum dominis creditoribus sufficientem remonstro fundum sunt enim argentea et alia mobilia, quibus divenditis facile domini creditores excontentari poterunt. Imo pro majori securitate venerabilis capituli, ut videlicet domus mea cum injuria successorum repente divendi non debeat. Strigonii 900 florenorum capitale habeo, itaque 500 fl. venerabili capituli, ac aliorum dominorum creditorum non periclitantur.

5. Vestimenta autem omnis speciei a priore uxore mea remansa directe obtingant filiabus ex ea genitis Annae videlicet et Catharinae, tertia vero filia Theresia jam emeritata pro plenaria sui in vestimentis his et aliis mobilibus prout ipsius manuscriptum docet a me 200 florenos percepit. Itaque praeter puncto secundo scriptos 400 florenos quod praetendat nihil habet.

6. Praevie enumeratis unicuique superius nominatis prolibus puncto secundo 400 florenis ex supermanenda substantia ex moderna consorte genitus filiolus nomine Jeremias, aequalem cum ceteris prolibus capiat portionem, tali tamen modalitate, ut casu quo nominatus modo adhuc infans Jeremias morte obiret, ejusdem successionis pars una matrem Theresiam Franzenau (Franczennau) concernat, altera vero rata inter Catharinam, Annam et Henricum subdividatur.

338