Tóth György (szerk.): Az Unitárius Egyház rendszabályai 1626-1850 - Az Unitárius Egyház törvényeinek gyűjteménye 3. (Kolozsvár, 1922)
II. Könyv 1694 - 1718
79 promulgentur, eo nimirum fine, ut scandala et offensae, quas saepe foedera conjugii non rite inita subministrant, tempestive vitentur. Insuper copulationes nubentium non in angulis et locis secretis, sed coetu et congregatione honesta fiant. Demum ministri interessé conviviis nuptiarum non prohibentur, modo in tempore remotis mensis inde discedant, et alios serio ad impudicas saltationes, ad ebrietatem, ad luxum, et pompam nimiam fugiendam adhortentur, nec ullus tandem, choreas ducat aut fidibus ludat, aleis taxillisque. VII. Ignotos nemo ministrorum temere copulet, sed testimoniales ab iis requirat, unde venerint, qualiter vixerint, et utrum sint liberae personae nec-ne : ut nec in vinculum conjectas, nec vulgo infames personas, priusqua[m] legitime solutae fuerint, publiceque poenitentiam egerint, copulet quisqua[m].' Debet autem poenitentia et reconciliatio talis fieri, post seriam multorumque testimoniis comprobatam vitae emendatione[m] in loco delicti, nisi gravissima causa obstiterit. VIII. Sangvine etiam vel affinitate junctos, infra quintum gradum nemo proprio ausu copulare praesumat. Ut nec viro immaturas, scilicet infra decimum quartum annum natas, nec aetate maxime dispares, juvenculos nimirum cum vetulis, in quibus jam natura cessavit; cum certum sit in talibus conjugiis non tam finem conjugii, quam aliud quaeri. IX. Cavendum etiam sedulo est, ne multo ante tempus nuptiarum copulatio fiat: potest enim fieri, ut interea temporis, vel consuescant copulati, vel a se invicem abalienentur. X. Currere etiam absque legitima vocatione ministros verbi huc atque illuc nequaquam decet, juxta illud : Quomodo autem praedicabant, nisi missi fuerint ? Item : Non mittebam prophetas, et ipsi currebant. Idcirco ne quispiam absque scitu superintendentis vel consistorii In ullam sese intrudere ecclesiam audeat: nec malis artibus locum sibi quaerat, multo vero minus aliis supplantet, sub poena gravissimae animadversionis. XI. Sed nec senior ecclesia repugnante pastorem ullum obtrudat, nec ecclesia inscio et invito seniore quemquam conducat pastori vero si vocatio fuerit oblata, aperte respondeat, se vel ituru[m] vel non iturum, ne dubia spe lactet homines, ea tame[n] conditione addita, si praelatis ita visum fuerit. Si vero controversia 1 1 Hibaigazításként egy kis szelet papírra nyomva és beragasztva: copulet quisqua.
