Mocsáry Sándor szerk.: Természetrajzi Füzetek 18/1-4. (Budapest, 1895)
1-2. szám
S A tibiarum anticarum aequans; parum longius quam latum (17: 15), duplo circiter humilius quam altum, late ovatum, postice latius, supra sat fortiter deplanatum, infra circumcirca sulco bene definitum, latere antico fortiter declivi, postico praerupto, paene impendenti. Pars dorsi pone tuber cephalicum sita, eo multo brevior, sublibrata, antice non impressa, imo breviter adscendens : pars dorsi postica longa, paene recta, modice declivis. Oculi medii postici in tuberis cephalici parte anteriore siti, foras et paullo sursum et anteriora versus spectantes, inter se circiter duplâ suâ diametro remoti; series oculorum anticorum deorsum curvata: marginibus inferioribus mediorum parum demissius sitis quam margines superiores lateralium; oculi medii lateralibus non multo minores, inter se circiter Va diametri, a lateralibus paene tota diametro remoti; oculi medii antici et postici trapezium formant parum longius quam latum postice et duplo fere longius quam latum antice (12:11 : 7). Clypeus sub oculis mediis dimidiam faciei altitudinem occupât, in longitudinem fortiter convexus, superius declivis, infra fortiter reclinatus est. Mandibulae clypeo paullo breviores. Maxülae valde in labium inclinatœ, palpos in parte extremâ marginis antici gerunt. Labium breve latum. Sternum aeque circiter latum ac longum, postice inter coxas IV. productum ibique paene aeque atque hae coxae latum, sursum curvatum, apice late truncato, non carinato, nitidum, punctis impressis maiusculis ornatum, margines versus magis congestis, medio laeve. Palporum pars patellaris fere duplo longior quam lata; pars tibialis (fig. 17) subter valde brevis, supra una cum processu apicali sescuplo longior quam pars patellaris, margine apicali superiore in processum producto lamelliformem, aeque circiter atque pars patellaris longum, basi cum toto fere margine dicto connatum, a basi anteriora versus et paullo sursum et intus directum, in dimidio apicali leviter ita curvatum ; ut anteriora versus et paullo sursum sit directus, prope medium triplo saltern angustiorem quam longum, apicem versus leviter contortum, ita ut desuper angustior videatur quam a latere interiore, in tertia parte apicali intus oblique truncatum, summo apice obtusiusculo (fig. 16). Pars tarsalis longitudine totam partem tibialem cum Vs partis patellaris aequat, desuper adspecta paene ovata, apice rotundata, prope basim versus latus exterius in dentem elevata altitudine Va crassitudinis partis patellaris saltern aequantem, aeque paene latum, compressum, apice acutiusculum, sursum directum. Paracymbium falcatum, planum, apice obtusum. Bulbi genitalis (fig. 18) «pars basalis» ex anfractibus constat duobus, paene transverse positis, «pars apicalis» in latere interiore trabeculam format corneam, paullo contortam, transverse positam, retro curvatam, apice obtuso (qui apex etiam in palpo desuper viso conspicitur non procul a basi partis tarsalis in latere interiore prominens), in latere exteriőre spina (embolo) ornatur gracili nigra, paullo pone medium bulbum prope a latere exteriőre
