Századok – 2023
2023 / 6. szám - TANULMÁNY - Bácsatyai Dániel: A széplelkű kamaraispán és más szerencselovagok. III. András olaszai
BÁCSATYAI DÁNIEL ipsumque sana mente et integro conscilio rogavi, ut hoc mecum scriberet testamentum. In quo etiam constituo meos fide commissarios, procuratores Sancti Marci super commissariis constitutos Feofium Mauroceno de confinio Sancti Angeli consanguineum meum, Marchesinam uxorem meam, dominam Genevrem Gradonico sororem meam de confinio Sancti Angeli ac Michaelem Maurocenum filium meum de dicto confinio Sancti luliani, ut secundum quod hic ordino et dari volo, sic post meum obitum debeant adimplere. In primis omnium meorum bonorum dimitto rectum decimum. Volo insuper pro anima mea duo millia librarum distribui pro anima prout in sequentibus continetur. De ipsis ergo dimitto celebrari pro anima mea tot missas, quot ascendant ad quantitatem ducentarum librarum. Item dimitto pro maritandis pauperibus mulieribus libras ducentas, ita quod unaqueque ipsarum non habeat, nec possit habere quocunque modo ultra libras decem. Item dimitto pro mulieribus monachantis libras ducentas, ita quod unaquaque ipsarum similiter non habeat, nec possit habere ultra libras decem. Item dimitto cuilibet monasterio a Grado usque ad Caput Aggerum, ubi invenietur cohabitari fratrum vel sororum soldos viginti pardorum. Item dimitto in paramentis flendis pro celebratione missarum, tam ecclesie Sancti luliani, quam ecclesie Sancti Angeli pro unaquaque libras vigintiquinque, que quidem aparamenta fiant, sicut videbitur suprascriptis commissariis meis. Volo insuper sepeliri apud locum fratrum Predicatorum de Venetiis, in loco, ubi ordinatum est, videlicet inter altare Beate Iohannis Baptiste et altare Beate Katarine virginis, ubi super tumulo seu sepultura mea volo et ordino depingui sanctorum ymagines, que sequuntur, videlicet in medio crucifixus in cruce positus cum tribus archangelis, videlicet Michael, Gabriel et Raphael desuper positis. A latere vero crucifixi sint ymagines Beate Virginis et Iohannis evangeliste cum aliis sanctis, qui sequuntur, videlicet Iohanne Baptista, Petro, Paulo et lacobo apostolis, Marco evangélista, Stephano et luliano martiribus, Nicholao, Dominico et Francesco confessoribus, Stephano et Radisclavo et Aimerico sanctissimis regibus, Maria Magdalena, Lucia, Katerina, Margarita virginibus et Sancta Elisabet, et ponantur sive dipinguantur ad pedes crucifixi ego, Albertinus cum uxore mea, que omnia fiant ad honorem crucifixi et supradictorum sanctorum, quam melius fieri poterunt. Cui monasterio fratrum Predicatorum pro ipsius fabrica dimitto libras ducentas et insuper centum libras ipsi conventui. Et si contingat me non sepeliri in dicto loco Venetiis, dimitto solummodo eidem librarum centum. Dimitto insuper dicto conventui fratrum Predicatorum libras triginta parvorum annuatim, de fictu mei piscarie magne, ita quod dicta piscaria sive fictus ipsius sit dicto loco, et conventui in hoc obligata ad hoc, quod fratres suprascripti loci singulis annis in perpetuum pro anima mea anniversarium faciant et ordinent unam missam ibidem ad unum de dictis altaribus diebus singulis in perpetuum pro anima mea et meorum celebrari. Et volo, quod dicte libre triginta, que obvenient de proventibus 1189
