Református főiskola, teológiai akadémia és gimnázium, Sárospatak, 1856

——

Vel plectro pulsare lyram, vel carpere dextra,

Quae procul arva tenes lento praetenta Bodrogo, *)

Fronde nova redimita comas cane carmine laudes,

Carmine supremos exoratura favores.

Dixerat, et sublimis abit stridentibus alis.

At pia Musa animo memori modo dicta revolvens Protinus arreptae percurrit terque quaterque Aurea fila lyrae, demum sic ore locuta est:

Inclyta progenies magnorum a sangvine Regum Caesar ave! centum cujus diademata frontem Augustam totidem regnorum insignia cingunt.

Caesar ave dilecte Deo! cui dona benigna Fudit summa manu par ut coelestibus esses Felix connubio, patrioque beatus amore.

Caesar ave rerum columen sublime mearum!

Artibus ingenuis per quem nova gloria parta, est,

His ut mollescant praecordia dura magistris Inconcussa tuis et sint fundamina regnis.

Pectus iners certe vitiis alimenta ministrat,

Ingenioque rudi comitem se mens mala jungit.

Auspice te nobis surgunt nova templa, frequenti Aiae thure calent, adolet quod laeta juventus,

Quae turba docili nunc limina nostra salutat,

Infigens animo justum, verumque bonumque,

Obsequium legum cum relligionis amore.

Di tibi — nam certe mihi nil nisi vota supersunt —

Vitam dent omni cumulatam prosperitate.

Vive diu populi numero qui sidera vincit Spesque salusque tui, qui vero te ambit amore.

Vive diu felix et sedes protege nostras,

Delubrumque meum summo tutare favore,

Praesidio ut celebrata tuo per tempora longa Aemula multarum possim superesse sororum.

STEPHANUS MÚLNÁK Gymnasii Director.

*) Oppidum Sárospatak in ripa fluvii Bodrog situm, tria circiter milliaria a monte Tokaiensi distat.