Szily János: Instructio venerabilis cleri dioecesis Sabariensis (Szombathely, 1855)

PAUS PRIMA

CAPUT V.

De Vocatione, et Modo ad Statum Ecclesiasticum perveniendi, et Jurisdictionem consequendi.

Mdea boni pastoris, ceu administratorii Spiritus in ministerium missi propter eos, qui haereditatem capient salutis, est excellentissima. Sacerdotem etenim oportet Christum omnium virtutum exemplar vita moribusque continuo exhibere, seu specimen Christi cogitantis, loquentis, agentis patientisque undequaque circumferre ita; ut qui eum viderint, eundem Christiferum jure dicant. Quare si in qua Officii nostri parte diligentiam adhibebimus, sane maximam manifestabimus in suscipiendis, ac promovendis Clericis, ut nonnisi requisitis corporis animique dotibus praediti, et a I)eo vocati suscipiantur, et sufiiciente doctrina, ac virtute exculti ad curam animarum admittantur.

Quare firmiter statuimus in numerum Cleri junioris nonnisi tales suscipere Alumnos, qui praevio de moribus et scientia serio examine, seposito omni humano respectu, et non attenta cujuscunque commendatione omnino idonei per Venerabile Consistorium nostrum reperti fuerint, et de quibus probabilis conjectura sit, eosdem non fine aliquo temporali, sed ut Ueo fidelem cultum praestent, hoc vitae genus elegisse. Trid. Sess. 23. c. 4. de Reform.

Quo vero Alumni a teneris annis ad religionem et pietatem formentur, ae ecclesiasticis disciplinis instituantur, illos in Seminario vivere, et educari volumus. In instituto hoc omnes et singuli Alumni serio perpendant vocationem suam. Si enim S. Paulus Apostolus Corinthios ad lumen agnitionis Dei vocatos hujus gratiae memores esse jussit in 1-ma ad Cor. epist. c. 1. v. 26. scribendo „Videte vocationem Vestram Fratres!“ tanto magis oportet videre vocationem suam eos, quibus salutare Dei aliis annunciare, alios in via salutis aeternae ducere incumbit. Videant itaque Alumni vocationem suam! Qui enim se vocatos false ominantur,

1