Szily János: Instructio venerabilis cleri dioecesis Sabariensis (Szombathely, 1855)
67 sistorium in impedimentis cognationis carnalis, cujus gradus secundum Arborem consanguinitatis in Appendice subVHl. positam computantur, juxta formulas in Appendice sub IX. et X. detinealas, una schema consanguinitatis, aut affinitatis subnectentes, vel ipsi recurrere poterunt, aut promovere preces oratorum, in hoc postremo casu in fine adnectentes, se in realitatem motivorum per oratores allatorum conscientiose indagasse, haecqtie quantum humanitus licet, pro veris recognovisse. Cum impedimenta Matrimonii non tantum pro foro externo, sed etiam pro interno existant, ideo hortamur cunctos Curatos, ut modum in his occultis, sive internis impedimentis procedendi, et dispensationem procurandi ex obviis Canonistis, et MoraliStis accurate addiscant. Volumus tandem omnes Parochos, et parochiarum Administratores cuncta observare, quae Concilium Trident. Sess. 24-a cap. 1. de Reform, praescribit, cunctosqlie, quos legitime copulaverint, consveto Copulatorum libro inserere. ARTICULUS II. I) e Matrimoniis mixtis. Matrimonia mixta Ecclesia catholica damnavit semper, et detestata fuit. Hinc Curati omni, quo licet, opportuno institutionis praesidio fideles suos contra illa praemuniant. Cum tamen evenire possit, ut quis fidelium in talis Matrimonii vota transire paret, atque non obstantibus Curati dehortationibus in proposito suo perseveret; ideo quid Pastores animarum in hoc negotio agere, ac quomodo procedere oporteat? paucis indicabimus. Primo quidem statuimus: ut singuli Matrimoniorum mixtorum contrahendorum casus per concernentes Curatos Ven. Consistorio nostro praevie referantur. Dein vero, quia Matrimonia haec subinde cum Reversalibus contrahuntur, quantum ad lias sequentia monemus: a) Reversales tunc solum exiguntur, si sponsus est acatholicus, quia hoc in casu juxta leg. 1791. art. 26. §. 15. proles masculae in religione patris acatholici educari possent, b) Curatus caveat cum sponso acatholico intuitu Reversalium immediate tractare, sed c) sponsam catholicam naturam, salutarem finem, et necessitatem Reversalium, quum sine his in hoc uti assumitur casu, cum precibus, et benedictione copulari non possint; edoctam permoveat, ut apud sponsum suum impetrare satagat Reversales libere, et spontanee edendas super catholice educandis masculis quoque prolibus, d) Reversales in charta stigmatisata 15 xr. in tribus exemplaribus con-
