Szily János: Instructio venerabilis cleri dioecesis Sabariensis (Szombathely, 1855)
18 — enim, testante Spiritu sancto: Luxuriosa res est vinum: Prov. 20. V: 1. ita quantum corpori in esu, ac potu denegatur, tantum vitio luxuriae subtrahitur. Quo magis itaque Clerici ad colendam continentiam, et servitium animabus impendendum sunt adstricti, eo majori vigilantia oportet eos sobrietatem sectari, ut semper prompti, et expediti habeantur ad divina mysteria pertractanda, et sacramenta administranda. Oportet quidem Clericos sorditiem ex radice cupiditatis profluentem fugere, verum frugalitatem debent amplecti. Quare cunctis consilium, et monitum Concilii Ai/uil. can. de vita, et honestate Clericorum inculcamus: ut convivia, et nimiam laicorurn familiaritatem, multarum offensarum, et scandalorum originem, Clerici in quocunque statu constituti fugiant, neque alias ejusmodi convivia, multo minus nuptias adeant, nisi dum ab eis absque nota inhumanitatis, et offensa se subtrahere nequeunt; facile enim, uti S. Hieronymus Epist. adNepotianum scribit, contemnitur Clericus, qui ad prandium saepe vocatus ire non recusat, et existimationem sui multum imminuit, si non penitus perdit, qui saecularium hilaritatibus, et lusibus se miscet. Ubi autem necessitate exigente prandiis, aut conviviis interluerint, diligenter prospiciant, ne quid statu clericali indignum, aut loquantur; multo minus obligationem vel baptisandi, vel ad infirmos eundi, aut diebus festis, et dominicis doctrinam christianam, devotionemque pomeridianam tenendi negligant. Verum ante omnia nolint esse in conviviis potatorum, nec in comessationibus eorum, qui carnes ad vescendum adferunt, quia vacantes potibus, et symbola dantes consumentur. Prov. 23. v. 20. Quam diligentissime caveant a crapula, et ebrietate, quae omnium flayitiorum mater, omnis luxuriae soror, naufragium castitatis est; S. Aug. Serm. 231. et quae non solum corpori, sed etiam animae exitium adfert. Nam si in quovis homine turpissimum vitium est ebrietas; si quemlibet bruto simillimum reddit: quam turpem reddet Clericum, et quam horrendum monstrum ex illo efficiet, qui puritate, et sanctitate angelis similis esse deberet? Proplerea Deus apud Isaiam queritur 28. v. 7. Sacerdos, et propheta nescierunt prae ebrietate, absorpti sunt a vino, erraverunt in ebrietate, nesciverunt videntem, ignoraverunt judicium. Sed una gravissimas poenas intentat Prov. 23. v. 29. Cui vae? cujus patri vae? cui rixae? cui foreae? cui sine causa vulnera? cui suffusio oculorum? nonne his, qui commorantur in vino, et student calicibus epotandis? Hi nimirum substantiam suam pessumdant, rixis, et contumeliis involvuntur, ad obeunda sua munia inhabiles fiunt, sanitatem perdunt, vitam abbreviant, et evidens aeternae salutis periculum subeunt. Idcirco Christus Dominus monuit, Lucae 21. v. 34. Attendite vobis, ne forte graventur
