Szily János: Instructio venerabilis cleri dioecesis Sabariensis (Szombathely, 1855)

Recursus pro favore Dispensationis Pontificiae in primo gradu affinitatis. Matrimonio necdum contracto, pro foro externo.

Illustrissime! etc. Ignatius Farkasparochianus meus viduus, tribus prolibus minorennibus gravatus, ante annum conjuge sua Maria Kulcsár orbatus est. Adstitit huic in infirmitate soror Theresia, tantamque teneritudinem, et vigilantiam exeruit, ut non modo proles, sed harum quoque Pater amoribus Theresiae irretiti sint. Modo itaque vir desiderium coram me prodidit Theresiam in uxorem ducendi, si beneficium apostolicae dispensationis intercedens affinitatis primi gradus impedimentum e medio sustulerit. Curavi proin adferri motiva precum hujusmodi, in quarum realitatem vi muneris mei inquisivi, illaque quantum humanitus licet, pro realibus declarare praesumo. Motiva illa in sequentibus concentrantur:

1. Oratores tam ardente ad invicem feruntur amore, ut hunc amplius celare nequeant, imo nexus hic in vulgus percrebuerit.

2. Amoris hujus sensualis consectarium fuit lapsus carnalis. Jam etenim Oratrix in quartum mensem uterum gerit.

3. Bonum prolium minorennium exposcere videtur, ut quantocyus matrem sortiantur, quae ipsis educationem religioso-moralem impendat. Non secus

4. Amplior viri oeconomia pariter requirit, ut idem curarum sociam nanciscatur.

5. Familia Kulcsár una est ex illis, quae conspicua beneficia Ecclesiae meae exhibuerunt, signanter Oratrix paulo ante Ecclesiae casulam festivalem donaverat. E contrario

6. Vir in loco hoc mixto alienae Confessionis amicis, notis, imo et consanguineis circumdatus, coram pluribus edixit, se in casum denegandae Dispensationis ad castra Evangelicorum transiturum.

Quare lllustritatem Vestram penes advolutionem schema-