Szily János: Instructio venerabilis cleri dioecesis Sabariensis (Szombathely, 1884)
20 CAPUT IY. Dc congruo Vestitu, et honesta Supellectili Clericorum. Etsi habitus non facit Monachum, uti loquitur Cone Trid. Sess. 14. cap. 6. de Reform.: oportet tamen Clericos vestes proprio congruenUs ordini semper deferre, ut per decentiam habitus extrinseci morum honestatem intrinsecam ostendant. Quapropter insistentes tam sacrorum Canonum Decretis, quam laudabili Patriae nostrae consuetudini, omnibus clericali militiae adscriptis, praeprimis Curatis Dioecesis nostrae imponimus, ut cum sint milites Christi, non sit momentum, quo alia in forma adpareant, utque tonsuram clericalem, et vestem talarem nigri coloris, Reverendam, vel Cimadain. absque tamen secundariis manicis et dependentiis — Cimada cum secundariis manicis et dependentiis nonnisi Abbatibus, Praepositis, et Canonicis competit — cum Collari, et Cingulo — Vice- Archidiaconi et Assessores S. Sedis rubro — constanter gestent, nec habitu brevi unquam, minime autem tempore Divinorum, vel administrandorum Sacramentorum (nisi in itinere) uti possint. Non exigimus quidem, ut splendidis, sericeis, ac aliis pretiosis vestibus induantur, quin imo in vestibus, ac supellectilibus omnem luxum vetamus: attamen volumus, ut non laceras, non infectas, ac squalidas sed mundas, et concinnas portent. Denique toto corporis habitu et in totius domus supellectili eam munditiem, compositionem, simplicitatem, et luxus, ac vanitatis contemptum prae se ferant, qui apud cunctos venerationem ipsis conciliet.
