Szily János: Instructio venerabilis cleri dioecesis Sabariensis (Szombathely, 1884)

— 184 —

juxta sanctiones canonicas, et constitutiones apostolicas pro demerito suo animadvertemus. Quapropter iterum, ac postremum omni studio vos hortamur, ac rogamus ut sanctae vocationis vestrae institutum prae oculis gerentes, vitam vestram ad has leges, quas ex s. codicibus, Conciliis, ac Patribus receptisque Ecclesiae, ac Patriae nostrae, consuetudinibus excerpsimus, exigatis. Saepius perpendite, quam magnum divinae retributionis proemium vos maneat, si ministerium vestrum impleveritis; quam durum autem judicium Dei vobis impendeat, si officio vestro defueritis. Atque ideo pascite, qui in vobis est, gregem. Dei providentes, non coacte, sed spontanee secundum Deum: neque turpis lucri gratia, sed voluntarie : neque ut dominantes, sed forma facti gregis ex animo. Et cum apparuerit Princeps Pastorum, percipietis immarcescibilem gloriae coronam. 1. Pet. 5. v. 2. 3. 4. In cujus certius auspicium paternam benedictionem omni charitatis affectu vobis impertimur. Datum Sabariae, in aedibus solitae Residentiae nostrae, die 31-a Januarii Anno Domini 1855, Franciscus Episcopus m.p.

Datum Sabariae» in aedibus solitae Residentiae nostrae, die 31-a Decembris 1883.

CO(RJVELIUS Episcopus m.p.