Szily János: Instructio venerabilis cleri dioecesis Sabariensis (Szombathely, 1884)
— 125 — modestam gravitatem compositus, citra faciendum libri ritualis, vel precum sacrarum, vel ritus sacri usum, coram duobus testibus, declarationem mutui in Matrimonium consensus excipiat. 4-to. Ut haec mutui consensus declaratio nulli exceptioni obnoxia sit, eam vir his verbis exprimat: Ego N. N. in conjugem accipio N. N. honestam personam, non ipsam deseram usque meam, et illius mortem, in quacunque necessitate. Sic me Deus adjuvet. Deinde consensum suum sponsa catholica sic enunciabit: Ego N. N. nubo N. N. honesto juveni (vel viro) non ipsum deseram usque meam, vel illius mortem, in quacunque necessitate. Sic me Deus adjuvet, Beata Virgo, et omnes Sancti. Versionem hungaricam vide in fine sub XIV. 5-to. Postquam haec peracta sunt, Parochus Matrimonium hoc libro mixtorum Matrimoniorum inserat, prolium concernentium catholicae educationi invigilaturus. 6-to. Moneat conjuges, quod Matrimonio rato, et valido conjuncti sint, cujus indissolubilitas, aliique legitimi effectus non secus, ac in aliis matrimoniis extra omne dubium positi sint. Tandem in 3-0 casu, si nempe sponsi recusata Curati catholici passiva assistentia fine ineundi matrimonii ad Ministrum acatholicum divertunt, facta casus hujus apud Nos insinuatione, et praemissis trinis promulgationibus, parti catholicae tes' imoniales dandae sunt hujus tenoris: Quod sponsalia inter N. N. et N. N. in Ecclesia parochiali N. tribus distinctis vicibus denunciata fuerint, nullumque impedimentum, nisi ob disparitatem religionis vetitum Ecclesiae innotuerit, in fidem subscriptus testor. Datum loci, temporis, et subscriptio cum sigillo Ecclesiae. Formulare in lipgua hungarica vide in fine sub XV.
