Szily János: Instructio venerabilis cleri dioecesis Sabariensis (Szombathely, 1884)
— 99 — est necessarium. Ideo Poenitentiam secundam post naufragium deperditae gratiae tabulam, et laboriosum Baptismum s. Patres apte nuncuparunt. Trid. Sess. 6. c. 14. de Justi/ et Sess. 14. c. 2. de Poen. Multis quippe tum ex administrantis, tum suscipientis parte opus est, ut veri fructus ex hoc sacramento decerpantur. Si igitur animarum Curatores in aliqua officii parte, in alicujus sacramenti administratione oportet esse diligentes, prudentes, ac providos: in hoc sane administrando peculiarem diligentiam, prudentiam, et providentiam debent adhibere. Quare Parochi, et parochiarum Administratores quam frequentissime de Poenitentia, velut adultis maxime necessaria e sacro suggestu dicant. Exponant hoc sacramentum a Christo Domino institutum, ejusque ministerium Sacerdotibus commissum esse; Trid. Sess. 6. c. 6. de Justi/, et Sess. 14. c. /. et 2. de Poemt. Quasi-materiam ejus esse actus poenitentis, confessionem, contritionem, et satisfactionem. Doceant eos praxim bene confitendi; qua ratione nimirum ante confessionem, conscientiae suae omnes sinus excutere, contritionem vel perfectam ex motivo infinitae bonitatis divinae, vel imperfectam ex metu gehennae, vel turpitudine peccati elicere, firmum propositum amplius non peccandi concipere, omnia peccata mortalia, quorum recordantur, quoad speciem, et numerum et circumstantias in quantum illae peccati speciem mutant sincere, ac humiliter confiteri, denique poenitentiam a Confessario impositam exacte persolvere debeant. Et quoniam hujusmodi confessionis difficultas, et peccata etiam occultissima detegendi verecundia gravis esse videtur, uberrimos hujus sacramenti fructus explicent, qui sunt: justitia, et pax, et gaudium in Spiritu s. Rom. 14. v. 37. Est justitia, 7*
