Széchényi Miklós: A Szent György vértanúról nevezett Jaáki Apátság története (Budapest, 1901)
A JAÁKI APÁTSÁG KIADATLAN OKLEVELEI 75 et posteritatibus universis innovantes, perpetuo valituras confirmare dignaremur. Quarum quidem litterarum, primae videlicet praefati domini Ladislai regis tenor sequitur in haec verba: Nos Ladislaus, dei gratia Hungáriáé, Bohemiae, Dalmatiae, Croatiae etc. rex, Austriaeque et Stiriae dux, necnon marchio Moraviae etc. significamus tenore praesentium, quibus expedit universis, quod nos pro fidelitatibus et multimodis fidelium obsequiorum meritis fidelis nostri egregii Pertholdi Elderboch de Moniarokerek, aulae nostrae militis per ipsum, uti propriae circumspectionis nostrae industria agnovimus, ab infantia nostrae maiestatis sub diversitate locorum et temporum, iuxta suae possibilitatis exigentiam constanter et laudabiliter exhibitis et impensis eidem Pertholdo id gratiose de plenitudine nostrae potestatis annuendum duximus et concedendum, imo annuimus et concedimus per praesentes, ut ipse suique haeredes et posteritates universi a modo imposterum perpetuis successivis temporibus universis, ad abbatias in villis Perno et Diak vocatis constructas, nostraeque, ut dicitur, collationi spectantes, authoritate iuris patronatus nostri regalis, quod praesentibus in eosdem transferimus, personas idoneas et benemeritas in statu religioso eiusdem ordinis ac sacerdotali dignitate constitutas et existentes eligendi et nominandi, easdemque abbatias simulcum omnibus ipsarum possessionibus et villis, ac cunctis aliis pertinentiis huiusmodi personis idoneis, authoritate praescripti iuris patronatus nostri regalis conferendi plenam et omnimodam habeat potestatis facultatem. Et insuper ex habundantiori munificentia nostra regia, in aliqualem recompensam huiusmodi fidelium servitiorum ipsius Pertholdi, per eum, ut praemisimus, nostrae maiestati exhibitorum, proventus lucri camerae nostrae, de possessionibus 'seu villis dictarum abbatiarum Perno et Diak praedictis, necnon Kereztes, Belyd, Mendzenth et Lovazad appellatis, in comitatu Castriferrei existentibus, necnon populis et iobagionibus pro tempore in eisdem villis commorantibus, nobis et fisco nostro regio consueto more provenientes, memorato Pertholdo, ipsiusque haeredibus et posteritatibus ex certa scientia nostra et animo deliberato in perpetuum dandos duximus et deputandos, imo damus et deputamus praesentium per vigorem. Quo circa vobis fidelibus nostris comitibus ac dicatoribus et exactoribus praescripti lucri camerae in dicto comitatu Castriferrei pro tempore constitutis, praesentium notitiam habituris firmissime praecipimus et mandamus, quatenus amodo deinceps nullo unquam tempore huiusmodi proventus lucri camerae nostrae super populos et iobbagiones in iamfatis sex villis pro tempore commorantes dicare, seu ad exactionem eiusdem lucri camerae nostrae ipsos, seu aliquem ex eis arcare et compellere praesumatis, sed sinatis et pacifice permittatis eosdem proventus lucri camerae nostrae in perpetuum singulis annis antelato Pertholdo Elderboch, suisque haeredibus et posteritatibus, atque hominibus libere et pacifice dicare, exigereque et recolligere, pleno cum effectu; secus pro nostra gratia non facturi in premissis; praesentes autem, quas secreto sigillo nostro, quo ut rex Hungáriáé utimur, inpendenti fecimus communiri, semper post lecturam reddi edicimus manibus exhibentis. Datum Viennae, feria secunda proxima post festum beatissimi regis 10*
