A Szombathelyi Egyházmegye Zsinati Törvénykönyve (Statuta Dioecesana). Kihirdetve az 1927. évi október 4-8. napján tartott zsinaton (Szombathely, 1927)
X. Egyházi vagyon
182 POENAE VINDICATIVAE: Inhabilitatem latae sententiae contrahunt ad aliquot dignitates, officia, beneficia, munera clericalia: 1. Infames infamia juris (c. 2294. §. 1.). Infamiam juris ipso facto incurrunt: a) Qui sectae acatholicae nomen dederunt vel publice adhaeserunt (c. 2314. §. 3.); b) Qui species consecratas abjecerunt vel ad malum finem abduxerunt aut retinuerunt (c. 2320.); c) Qui cadavera vel sepulchra mortuorum ad furtum vel alium malum finem violaverunt (c. 2328.); d) Qui violentas manus in personam R. Pontificis, Cardinalis vel Legati R. P. injecerunt (c. 2343. §. 1. n. 2.; §. 2. n. 2.); e) Duellantes eorumque patrini (c. 2351. §. 2.); f) Bigami (c. 2356.); g) Laici legitime damnati ob delicta contra sextum cum minoribus infra aetatem 16 annorum commissa, vel ob stuprum, sodomiam, incestum, lenocinium (c. 2357. §. 1.). Effectus infamiae juris enumerantur in can. 2294. §. 1. 2. Qui suae electioni cum laicorum vel potestatis saecularis illegitima immixtione factae scienter consenserit (c. 2390. §• 2.). 3. Qui beneficium, officium, dignitatem propria auctoritate occupaverit vel ad ea electus, praesentatus, nominatus in eorundem possessionem vel regimen sese ingesserit, antequam necessarias litteras confirmationis vel institutionis acceperit easque illis ostenderit, quibus de jure debet (c. 2394. n. 1.). 4. Qui scienter acceptet collationem officii beneficii etc. de jure non vacantis et patiatur se in ejus possessionem immitti. (c. 2395.). 5. Censurati post sententiam declaratoriam vel condemnatoriam (c. 2265; 2275; 2283.). 6. Qui privati sunt jure passivo electionis. 7. Simoniaci, quoad officium vel beneficium simoniace acquisitum ea vice obtinendum (c. 729: 1465.). 8. Inhabilitas implicite continetur in sententia depositionis, degradationis. NB. a) Poenae istae dispensatione tolluntur, non absolutione. b) Collatio beneficii inhabili facta ipso jure est nulla et omnes actus cum hac inhabilitate positi sunt invalidi.
