Schematismus Venerabilis Cleri Dioecesis Sabariensis pro anno MCCCLXVIII (Szombathely, 1868)
6 a. 1777. die 17-a Februarii. Magno ingenio, acri judicio, vastissima profundissimaque rerum sacrarum aeque ac profanarum eruditione, corde animoque ad res gerendas aptissimo, ac omnibus iis animi corporisve dotibus clarus, quae ad formandam , et debite curandam gregis dominici partem cum Episcopatu hoc eidem commissam eminenter requirebantur, neo-erectam Dioecesim salutaribus institutis, recto ordine ac disciplina pro suo singulari zelo rite informavit. Instructio ejus ad V. Clerum Sabariensis Dioecesis primo statim Episcopatus anno data perpetuam laudem, obsequiive reverentiam meretur. Doctrina insuper, praecepta, ac monita salutaria s. Litteris, Conciliis, S. Patribus, Ecclesiae Patriaeque nostrae consvetudinibus adtemperata, filiisque eo, ut audiant disciplinam Patris, proposita ostendunt qualis Pater fuerit, et Pastor? Totam Dioecesim canonice visitavit. Sabariae Episcopium insigne, Clero Juniori Seminarium nobile, ac demum praeter alias in locum Ecclesiae veteris arceusis angustae, novam Ecclesiam Chathedralem augustam aedificavit; hujus tamen internam gloriam videre non poterat, anno 1799. die 2-da Januarii a. aetatis 54 Episcopatus 22. ad praemia meritorum aeterna evocatus. Eodem anno successit ei FRANCISCTJS Cardinalis Comes HERZAN ab Harras consecratus Venetiis a S. Pontifice Pio VII. a. 1800. die 18-a Maji. Breve Episcopatus ejus tempus in medium cadit bellorum, quae tunc temporis premebant, hostilium. Aulicam Bibliothecam optimis Germaniae, Italiae, Galliaeque auctoribus locupletavit. Obiit Viennae die 2-a Junii a. 1804. aetatis 70. Episcopatus 5-to. Ab obitu hujus vacabat Sedes annis 2. atque a. 1806. die 15-a Junii collata est LEOPOLDO SOMOGYI de Perlak. Hic ampla eruditione, inprimis scientia Sanctorum excultus, ardentissimam in Deum pietatem semper et ubivis manifestavit. Erat optimus Cleri Antistes, vigilantissimus populi commissi Pastor, affabilis erga omnes, hospitalis, benevolus pauperum studiosorum, quos plurimos aluit, fautor, quemadmodum omnium pauperum Pater. Aedificium Basilicae internum perfecit. In verbi divini annunciatione, Sacramentorum
