Püspöki körlevelek 1939 (Szombathely, 1940)
VII 905. sz. Decretum de indulg. plen. „toties,quoties DECRETUM Indulgentia plenaria „toties quoties" die II men" sis Novembris vel die dominica subsquenti lucrifieri potest. Summus Pontifex Pius X, per Decretum S. Congregationis S. Officii die XXV mensis Iunii a. MDCCCCXIV datum (Acta Ap. Sedis, vol. VI, a. 1914, p. 378.), omnibus christifidelibus, qui quamlibet ecclesiam aut quodlibet publicum oratorium (vel semipublicum pro legitime utentibus) die secunda mensis Novembris pie visitavissent, plenariam indulgentiam „toties quoties" suetis conditionibus lucrandam concessit, fidelibus defunctis solummodo applicandam. At identidem, decursu temporis, ad hoc Sacrum Tribunal supplicationes pervenerunt, quibus postulabatur ut eadem indulgentia die quoque dominica subsequenti lucrifieri posset; idque eo consilio ut ii etiam pretiosissima hac concessione frui possent, qui die Commemorationis omnium fidelium defunctorum id non peregerint. Quam ad rem SSmmus D. N. Pius divina Providentia Pp. XI, in audientia die x mensis Decembris a. MDCCCCXXXVIII infra scripto Cardinali Paenitentiario Maiori concessa, statuere ac decernere dignatus est plenariam eiusmodi indulgentiam vel die II mensis Novembris, vel subsequenti die dominica lucrifieri posse, firmis manentibus ceteris conditionibus tum memorati Decreti S. Congregationis S. Officii, tum Decreti S. Paenitentiariae quoad plenariam indulgentiam „toties quoties" lucrandam. (Acta Ap. Sedis, vol. XXII, a. 1930, p. 363. Praesenti in perpetuum valituro absque ulla Apostolicarum Litterarum in forma brevi expeditione et contrariis quibuslibet non obstantibus. Datum Romae, ex Aedibus S. Paenitentiariae Apostolicae, die 2 Ianuarii 1939. L. Card. Lauri, Paenitentiarius Maior. L. S. S. Luzio, Regens. DECRETUM de competentia in causis matrimonialibus, et de iure promotoris iustitiae accusandi matrimonia acatholicorum DUBIA Propositis Supremae huic Sacrae Congregationi Sancti officii sequentibus dubiis: I. Utrum decisio Supremae S. Congregationis S. Officii data die 18 Ianuarii 1928 ad L, qua nempe declaratum fuit acatholicos in causis matrimonialibus actoris partes agere non posse, spectet tantum Tribunal S. Romanae Rotae, an etiam Tribunalia dioecesana; II. Utrum Promotor Iustitiae, vi canonis 1971, nulla praehabita facultate a S. Officio, matrimonium accusare possit si nullitas matrimonii fuerit denuntiata a coniuge acatholico. Feria IV, die 15 Martii 1939 Eminentissimi ac Revmmi PP. DD. Cardinales rebus fidei et morum tutandis praepositi, praehabito RR. DD. Consultorum Voto, respondendum decreverunt: Ad L: Negative ad primam partem; Affirmative ad alteram, seu: spectare etiam Tribunalia diecesana. Ad II.: Negative, nisi publicum bonum, Ordinarii iudicio, id postulet. Et Sabbato, die 18 eiusdem mensis et anni, Ssmmus D. N. D. Pius Divina Providentia Papa XII, in audientia Excmmo ac Revmmo Domino Adsessori Sancti Officii impertita, relatam Sibi Emmorum Patrum resolutionem adprobavit, confirmavit et publicari iussit. Datum Romae, ex Aedibus S. Officii, die 22 Martii 1939. R. Pantanetti, Supr. S. Congr. S. Officii Notarius. 906. sz. Decretum in causis matrimonialibus.
