Püspöki körlevelek 1928 (Szombathely, 1929)
IV. Nr. 577. Electio Metropolitai communica tur episcopi suffraganeií Pius Episcopus, Servus Servorum Dei, venerabilibus fratribus suffraganeis metropoli. tanae Ecclesiae Strigoniensis salutem et Aposistolicam benedictionem. Hodie Nos dilectum filium Georgium in religione Justinianum Serédi, procuratorem generalem congregationis Hungaricae Ordinis S. Benedicti, S. Congregationis Concilii et Pontificiae Commissionis ad Codicis canones authentice interpretandos Consultorem, de venerabilium Fratrum Nostrorum S. R. E. C. Cardinalium consilio, ad vacantem Metropolitanam Ecclesiam Strigoniensem, cui Ecclesiae Vestrae tamquam suffraganeae subiectae sunt, Apostolica Auctoritate elegimus, ipsumque illi in Archiepiscopum praefecimus et Pastorem. Quo circa vobis in Domino mandamus ut praedicto Georgio, electo Archiepiscopo debitam iuxta sacros canones obedientiam praestetis et reverentiam, ita ut mutua inter vos et ipsum gratia uberes in animarum bonum sortiatur effectus. Datum Romae apud S. Petrum anno Domini millesimo nongentesimo vigesimo septimo, die trigesima mensis Novembris, Pontificatus Nostri anno sexto. C. S. C. De mandato speciali Smi Fr. Andreas Card. Friihwirth Cancellarius S. R. E. — Georgius Stara Tedde Cancriae Aplicae Adiutor a Studiis. — Joseph Wilpert decanus prot. ap. — Dominicus Jorio Prot. Ap. — Dominicus Francini, Scriptor Apostolicus. — Alfridus Marini Pumbator m. p. — L. P. Nr. 578. Responsa commissionis ad cano nes interpretandos. I. De confessione religiosarum. D. I. Utrum confessio religiosarum peracta extra loca, de quibus in canone 522 et in responso diei 4 Novembris 1920, sit tantum illicita, an etiam invalida. II. An verbum adeat canonis 522 sit ita intelligendum ut confessarius advocari nequeat per ipsam religiosam ad loca confessionibus mulierum vel religiosarum legitime destinata. R. Ad I. Negative ad primam partem, affirmative ad secundam. Ad II. Negative. II. De absolutione in periculo mortis. D. An absolutio in periculo mortis secundum canonem 882 limitetur ad forum internum, an extendatur etiam ad forum externum. 'R. Affirmative ad primam partem, negative ad secundam. III. De dispensationibus matrimonialibus. D. An verba pro casibus occultis canonis 1045. §. 3 intelligenda sint tantum de impedimentis matrimonialibus natura sua et facto occultis, an etiam natura sua publicis et facto occultis. R. Negative ad primam partem, affirmative ad secundam. IV. De subdelegatione assistendi matrimoniis. D. I. An vicarius cooperator, qui ad normam canonis 1096. §. 1 a parocho vel loci Ordinario generalem obtinuit delegationem assistendi matrimoniis, alium determinatum sacerdotem subdelegare possit ad assistendum matrimonio determinato. II. An parochus vel loci Ordinarius, qui ad normam canonis 1096. §. 1 sacerdotem determinatum delegaverit ad assistendum matrimonio determinato, possit ei etiam licentiam dare subdelegandi alium sacerdotem determinatum ad assistendum eidem matrimonio. R. Affirmative ad utrumque. Romae, dic 28 mensis Decembris 1927. L. t S. — P. Card. Gasparri, Praeses. Joseph Bruno, Secretarius. Suprema Sacra Congregatio S. Officii. — Propositis Supremae huic Sacrae Congregationi Sancti Officii sequentibus dubiis: I. Utrum in causis matrimonialibus acatholicus, sive baptizatus sive non babtizatus, actoris partes agere possit. II. Utrum in quibuslibet causis matrimonialibus inter partem catholicam et partem acatholicam, sive baptizatam sive non baptizatam, quocumque modo ad Sanctam Sedem delatis, Suprema Sacra Congregatio Sancti Officii exclusivam habeat competentiam. Feria IV., die 18. Janurii 1928. Emmi ac Revmi Dni Cardinales rebus fidei et morum tutandis praepositi, praehabito RR. DD. Consultorum voto, respondendum decreverunt: Ad I.: Negative, seu standum Codici I. C., praesertim can. 87. Siquidem autem speciales occurrant rationes ad admittendos acatholicos ut actores in huiusmodi causis, recurrendum ad Supremam Sacram Congregationem Sancti Officii in singulis casibus. Ad II.: Affirmative, habita praesertim ratione can. 247. §. 3., et salvo praescripto can. 1557. §.1.1. p. Nr. 579. De competentia in causis matrimonialibus.
