Püspöki körlevelek 1918 (Szombathely, 1919)
— 58 — Nr. 4630. Quaesita circa indulgentias adne xas piae praxi consecrandae familiae Sacratissimo Cordi Jesu. poenitentiis in forma Ecclesiae consueta relaxamus. Quas omnes et singulas indulgentias, peccatorum remissiones ac poenitentiarum relaxationes etiam animabus fidelium in purgatorio detentis per modum suffragii applicari posse indulgemus. In contrarium facientibus non obstantibus quibuslibet. Praesentibus perpetuo valituris. Datum Romae apud Sanctum Petrum sub annulo Piscatoris, die XXVI. iunii MCMXVIII, Pontificatus Nostri anno quarto. P. Card. Gasparri, a Secretis Status. Die 19 mai 1908. Pius X. s. m. omnibus fidelibus, qui certa adhibita formula familiam sacratissimo Cordi Iesu consecrarent, concessit; 1° indulgentiam plenariam die quo hanc consecrationem peragerent, consuetis impletis conditionibus lucrandam; 2° i item indulgentiam plenariam deinceps singulis annis, renovata formula consecrationis consequendam. Anno 1913. ab eodem Summo Pontifice novae indulgentiae concessae sunt. Suplicabant scilicet Episcopi Reipublicae Chilensis: »Beatissime Pater, — Archiepiscopus S. Iacobi de Chile ceterique omnes eiusdem Reipublicae Praelati Ordinarii, ad pedes S. V. provoluti humiliter exponunt : Non multo abhinc tempore et magno animarum fructu existit in Republica Chilena pia praxis consecrandi domos SS. Cordi Iesuhoc nimirum modo: Praemonitis habitantibus domus, statuta die, parochus vel alius sacerdos benedicit imaginem SS. Cordis Iesu, quam collocat in praecipuo loco, brevem habet conciunculam et recitat cum tota familia quamdam reparationis et consecrationis formulam. Si sacerdos adesse non potest, imago prius benedicta collocatur, et formula recitatur ab aliqua saeculari persona. Cum vero multa bona fluant ex hac pia praxi omnes supradicti Oratores a S. V. petunt ut, quo magis fructus augeatur, illam indulgentiis ditare dignetur, Et Deus. etc. Cui quidem supplici libello responsum fuit: »Die 24 iulii 1913. — SSmus D. N. D. Pius div. Pro'v. Pp. X. per facultates, D. Card. Secretario S. Officii impertitas, sequentes indulgentias pro Chilenae Reipublicae dioecesibus benigne concedere dignatus est, nempe: 1° Septem annorum totidemque quadragenarum ab universis familiae membris lucrandam, die quo instituitur in propria domo pia praedicta praxis, si corde saltem contrito ac devote memoratae caeremoniae adstiterint ; 2° Plenariam, si insuper eadem die confessi ac s. synaxi refecti iidem fideles aliquam ecclesiam vel publicum oratorium devote visitaverint ibique ad mentem Summi Pontificis pias preces fuderint; 3° Trecentorum dierum, item a membris familiae lucrandam quotannis die anniversario huiusmodi institutionis in propria domo, si coram imagine actum consecrationis renovaverint. Praesenti ad decennium valituro. Contrariis quibuscumque non obstantibus. — De mandato D. Card. Secretarii Aloisius Giambene, Subst. pro indulgentiis.“ Has Indulgentias SSmus I). N. Benedictus div. Prov. Pp. XV. epistola diei 17 április 1915. ad omnes Orbis catholici familias benigne extendit. Porro a S. Tribunali Poenitentiariae Apostolicae, cui res universa de indulgentiis demandata est, quaesitum fuit: 1° Utrum ad lucrandas indulgentias piae praxi adnexas, necessario in singulis domibus, familiae SS. Cordi Iesu per sacerdotem consecrari debeant, an liceat, adunatis familiis, caeremoniam in ecclesia instituere, ubi cum maiori solemnitate et devotione res peragitur i 2° Quando iudicandum sit, sacerdotem adesse non posse, ita ut imago SS.
