Püspöki körlevelek 1917 (Szombathely, 1918)
38 — civit insuper Sanctitas Sua, ut Kalendaria et Propria particularia, nullo excepto, huic Decreto conformari debeant. Contrariis non obstantibus quibuscumque, etiam speciali mentione dignis. — »Die 28 februarii 1917«. — f A. Card. Vico, Ep. Portuen. et S. Rufinae, S. R. G. Pro-Praefedus. L. f S. Alexander Verde, Secretarius. N. 2749. Dubia de missis in Commemoratione omnium fidelium defunctorum A Sacra Rituum Congregatione pro opportuna declaratione postulatum est: An ex tribus Missis de Requie in Commemoratione omnium fidelium defunctorum a Constitutione Apostolica diei 10 augusti 1915 permissis: I. Sacerdos unam vel duas tantum Missas celebrare queat, et II. in utroque casu quaenam Missae ex descriptis in decreto Sacrorum Rituum Congregationis Urbis et Orbis diei 11 augusti 1915 legendae sint, ac demum III. pro quibus eaedem applicandae? Et Sacra Rituum Congregatio, exquisito specialis Commissionis suffragio, omnibus perpensis, ita rescribendum censuit: Ad I. Affirmative ad utrumque. Ad II. Prima Missa ex supradescriptis semper legenda est; altera erit secunda. Ad III. In utroque casu una Missa ad intentionem celebrantis, in secundo tamen casu, altera ex duabus Missis pro omnibus fidelibus defunctis applicanda est. Atque ita rescripsit et declaravit de mandato Sanctissimi, die 28 februarii 1917. f A. Card. Vico, Ep. Portuen. et S. Rutinae, S. R. C. Pro Praefectus. — L. t S. — Alexander Verde, Stcrefarius. I. N. 2750. Dubia de occurrentia et translatione quorundam festorum A nonnulis Kalendaristis, de consensu respectivi Ordinarii, Sacrorum Rituum Congregationi sequens dubium pro opportuna solutione reverenter expositum fuit; nimirum : Ex additionibus et variationibus in Rubricis Breviarii ad normam Bullae Diorno affiatu, Festum Dedicationis cuiuslibet Ecclesiae est semper primarium et Festum Domini (tit. IX, 1), et de Dominicis minoribus seu per annum, semper fieri debet officium, nisi occurrat vel concurrat aliquod duplex I vel II classis aut quodvis festum novem Lectionum Domini (tit. IV, 2; tit, VI, 2). Unde quaeritur : Utrum Festum quoque Dedicationis B. M. V. ad Nives, ritus duplicis maioris, praeferendum sit Dominicae minori tam in occurrentia quam in concurrentia ? Et sacra Rituum Congregatio, audito voto specialis Commissionis, prae oculis habito quod, in casu, sub enunciato titulo fit Officium B. Mariae Virginis ad Nives, titularis Basilicae Liberianae, loco Officii Dedicationis eiusdem Basilicae, rescribendum censuit: Negative. Atque ita rescripsit et declaravit. Die 1 decembris 1916. — t A. Card Vico, Ep. Portuen, et S. Rufinae. — S. R. C. Pro-Praefectus. — L. f S. — Alexander Verde, Secretarius. II. Sacrorum rituum Congregationi sequentia dubia expendenda et solvenda subiecta sunt; nimirum: I. Inspectis rubricis Breviarii romani, nempe tam rubrica generali lit. IV de Festorum occurrentia accidentali eorumque translatione, n 2, quam rubrica speciali de die Octava Epiphaniae occurrente in Dominica] atque inde exorto dubio, quaeritur:
