Püspöki körlevelek 1912 (Szombathely, 1913)
4 — IX. Quum in Decroto die 2 Martii currentis anni praescriptum sit, Dominicam II. post Epiphaniam anticipandam esse in Sabbato aut in alia praecedenti Feria in qua occurrit Festum ritus semiduplicis ; et si nullum semiduplex infra hebdomadam habeatur, in Sabbato aut in alia praecedenti Feria, occurrente etiam Festo ritus duplicis minoris : quaeritur quid agendum si tota hebdomada impediatur Festis classicis aut ritus duplicis maioris ? X. Quo colore utendum est in communione extra Missam administranda in die Commemorationis omnium Fidelium Defunctorum ? XI. Num in Missis Votivis Praefationem propriam non habentibus legenda sit Praefatio de Officio Sanctae Mariae in Sabbato, quod in eisdem Missis commemorationem habet ? XII. Utrum in Festis novem Lectionum Praefationem propriam in Missa habentibus, et infra tempus Quadragesimale. aut Passionis, aut Paschale celebratis, si dicatur, iuxta rubricam, tit. X. num. 2, Missa de Feria cum commemoratione Festi currentis, adhibenda sit Praefatio Temporis, an Praefatio Festi quod in Missa Feriae commemoratur ? XIII. Quaenam Praefatio adhibenda sit in Missa, Praefatione propria carente, in qua commemoratur tum Festum simplificatum et Praefatione propria gaudens, tum P'eria Praefationem Temporis item propriam obtinens ? XIV. Num occurrente Festo novem Lectionum in Feria II et IV Rogationum et in Feriis Quatuor Temporum Adventus et mensis Septembris, legi possint et debe ant Lectiones de Scriptura, quae die immediate antecedenti vel sequenti fuerint impeditae, si Festum illud novem Lectionum Lectiones proprias vel de Communi reposcat ? XV. Et quatenus affirmative ad XIV : 1- o Utrum Lectiones de Scriptura diei praecedentis, an Lectiones de Scriptura diei sequentis sint praeferendae, si ambae fuerint impeditae? 2- 0 Num a sua die Lectiones de Scriptura occurrente amoveri possint ut in F'eriis Homiliam habentibus Lectiones de Scriptura legi possint, ita ut, exempli gratia, si Lectiones Feriae II. infra hebdomadam III. Adventus impediantur, poni possint et debeant in Feria IV. et ita in similibus ? XVI. Num initium alicuius Libri, si aliter poni nequeat, reponi possit et debeat in Festo novem Lectionum, quod Lectiones revera proprias et historicas in I. Nocturno habeat prout habent utraque Cathedra et Vincula S. Petri Apostoli, Conversio S. Pauli Apostoli, Inventio S. Stephani Protomartyris et similia ? XVII. Et quatenus negative ad XVI, num idem dicendum sit de Lectionibus appropriatis, prout sunt appropriatae in Festo Dedicationis Basilicarum Ss. Petri et Pauli, S. Mariae Maioris et in similibus ? Et Sacra Rituum Congregatio, ad relationem infrascripti Secretarii, audita sen tentia Commissionis Liturgicae, reque accurato examine perpensa, rescribendum censuit : Ad I. Negative ad primam partem, nisi obtineatur novum Indultum ; affirmative ad secundam, iuxta novas dispositiones. Ad II. Affirmative. Ad III. Negative ad primam partem ; affirmative ad secundam. Ad IV. Affirmative iuxta novas rubricas tit. III, num. 4. Ad V. Affirmative, pro simplificatis ; negative pro abolitis. Ad VI. Negative, salva tamen rubrica generali Missalis, tit. VI, de translatione Festorum.
